«اۋىل» حالىقتىق-دەموكراتيالىق پاتريوتتىق پارتياسى قر ورتالىق سايلاۋ كوميسسياسىنا قازاقستان رەسپۋبليكاسى پارلامەنتى ماجىلىسىنە پارتيا اتىنان سايلاۋعا تۇسەتىن كانديداتتاردىڭ پارتيالىق ءتىزىمىن رەسمي تۇردە تاپسىردى. تىزىمدە پرەزيدەنتتىكتەن ۇمىتكەر بولعان جيگۋلي دايراباەۆ پەن قاراقات ابدەن بار، دەپ حابارلايدى “ادىرنا” ۇلتتىق پورتالى.
ساياسي دوداعا پارتيا اتىنان پارتيالىق ءتىزىم بويىنشا 25 ۇمىتكەر قاتىساتىن بولادى.
ءماجىلىس دەپۋتاتتىعىنا كانديداتتاردىڭ ءتىزىمىن جاساۋ كەزىندە «قازاقستان رەسپۋبليكاسىنداعى سايلاۋ تۋرالى» زاڭىنا سايكەس بارلىق ساناتتىڭ، ونىڭ ىشىندە ايەلدەردىڭ، جاستاردىڭ جانە ينكليۋزيۆتى قوعامنىڭ وكىلدىگى قامتاماسىز ەتىلدى.
اتاپ وتسەك، ۇسىنىلعان 25 كانديداتتىڭ ىشىندە 6 ايەل، 1 ينكليۋزيۆتى قوعامنىڭ وكىلى بار. سونداي-اق، جاستار اراسىنان 3 ادام ۇسىنىلىپ وتىر. ياعني، تىزىمدە ارنايى كۆوتا (36%) ساقتالعان. كانديداتتاردىڭ ورتاشا جاسى 43 جاستى قۇرايدى، ەڭ جاس كانديدات 25 جاستا. 2 ادام 2022 جىلى وتكەن سايلاۋدا پرەزيدەنتتىككە، 7 ادام 2021 جىلى وتكەن ءماجىلىس سايلاۋىندا دەپۋتاتىققا ەكس-كانديدات بولعان. سونىمەن قاتار كانديداتتاردىڭ ىشىندە 15 ادام بەيىندى اگرارلىق ءبىلىمى بار جانە ناقتى سەكتوردىڭ ء(وندىرىستىڭ) وكىلدەرى.
