2-3 اقپان الماتى قالاسىندا Digital Almaty 2023 حالىقارالىق tech فورۋمى ءوتتى. فورۋمدا تسيفرلاندىرۋ سالاسىنداعى ۇزدىك كومپانيالار ماراپاتتالدى. سونىڭ ىشىندە، Bugin Holding كومپانياسىنا قاراستى Daryn.online پلاتفورماسى جىل قورىتىندىسى بويىنشا “ەڭ ۇزدىك EdTech جوبا” نوميناتسياسىن جەڭىپ الدى. EdTech (قاز. ءبىلىم بەرۋ تەحنولوگيالارى) – ءبىلىم بەرۋ سالاسىنداعى زاماناۋي تەحنولوگيالاردى بىرىكتىرەتىن يننوۆاتسيالىق شەشىمدەر. بۇل نوميناتسيا يننوۆاتسيالىق ءتəسىلدى قولدانىپ، ءبىلىم بەرۋ سالاسىنداعى وزەكتى مəسەلەلەردى شەشەتىن جəنە ەڭ ۇزدىك ساپالى قىزمەت كورسەتۋشى جوباعا بەرىلەدى. نوميناتسيانى ارمەنيانىڭ پرەمەر-ءمينيسترى نيكول پاشينيان تابىستادى.
Bugin Holding – ءوز ەكوجۇيەسىن قالىپتاستىرعان، زامان تالابىنا ساي جابدىقتالعان ەلىمىزدەگى العاشقى قازاق ءتىلدى IT كومپانيا. حولدينگتىڭ ءىت نارىعىندا تانىمال بىرنەشە جوباسى بار: ما-ما!، OrdaGen, Daryn.online, Daryn Teacher, Educenter, Bugin.kz جəنە ت.ب.
وسى جوبالاردىڭ ىشىندە ەڭ تانىمالى: 4 ملن-نان استام وقۋشى مەن ۇستازعا قاشىقتان ساپالى ءبىلىم بەرۋدى قامتاماسىز ەتىپ وتىرعان Daryn.online پلاتفورماسى.
وتكەن 2022 جىل Daryn.online ءۇشىن تابىس پەن تəجىريبەگە تولى بولدى:
- كومپانيا 2,4 ملن دوللار ينۆەستيتسيا تارتتى;
- Prometheus School -دىڭ قۇرىلتايشىسى اتانىپ، ەلىمىزدەگى العاشقى گيبريدتى مەكتەپ يدەياسىن جۇزەگە اسىردى;
- مەكتەپ پروتسەستەرىن اۆتوماتتاندىرۋعا (LMS) ارنالعان Daryn Pro جوباسى ىسكە قوسىلدى;
- Daryn Teacher 2.0 ىسكە قوسىلىپ، وقۋشىلار 180 000+ رەت مەكتەپ ساباقتارى بويىنشا قيىندىق تۋدىرعان سۇراعىنا جاۋاپ الدى;
- Daryn Tutor 3 117 استام جاڭا رەپەتيتور قوسىلىپ، 2 261 وقۋشى وزىنە جاقىن ايماقتان رەپەتيتور تاپتى;
- ءبىلىم الۋشىلارعا كونتەنتتى ويىن مەتوديكاسى ارقىلى بەرۋگە ارنالعان Daryn GO جوباسى ىسكە قوسىلدى;
- وقۋ پروتسەسىن تەجەيتىن كۇردەلى تاپسىرمالاردى شەشۋدەگى كومەكشى Daryn Help جوباسى ىسكە قوسىلىپ، 10 000-نان استام سۇراققا جاۋاپ بەرىلدى;
- Daryn.online قىزمەتتەرى ءبىلىم الۋشىلار اراسىنداعى باعالاۋ بويىنشا (NPS) 82% قولدانۋشىنىڭ كوڭىلىنەن شىقتى;
- ونلاين ءبىلىمدى ودان دا ساپالى ءəرى قولجەتىمدى ەتۋ ماقساتىمەن جəنە پلاتفورما قولدانۋشىلارىنىڭ سۇراۋىمەن əر پəن بويىنشا كومەكشى كۋراتور قوسىلدى;
- Daryn.online پلاتفورماسىندا وتكىزىلەتىن وليمپيادا قازاقستانداعى ەڭ تانىمال ءəرى ءجيى تاپسىرىلاتىن وليمپيادا اتاندى. 87 500 وقۋشى مەن 34 800 مۇعالىم وليمپيادادا باق سىنادى;
- Daryn.online -مەن 14 429 وقۋشى ۇبت-عا دايىندالىپ، ونىڭ 75,2%-ى گرانتقا ءتۇستى جəنە بايقاۋ سىناعى 345 026 رەت تاپسىرىلىپ، ورتاشا كورسەتكىشى 72,6 باللدى قۇرادى.
“Daryn.online -نىڭ الداعى جوسپارى: ەلىمىزدەگى ءسəتتى جوبالاردى شەتەل نارىعىنا ەكسپورتتاۋ. ءبىز قازىر وزبەكستان نارىعىنا اعىلشىن ءتىلىن ەنگىزىپ جاتىرمىز، ال ساۋد ارابياسى مەن يندونەزيا نارىعىنا ماتەماتيكا ءپəنىن (iDaryn) ءبىزدىڭ قالىپتاستىرعان مەتوديكامەن سول ەلدىڭ تىلدەرىندە جاساۋدامىز. ءبىلىم ءبىزدى بىرىكتىرەدى، ءبىز بۇعان سەنەمىز”، – دەدى Daryn.online پلاتفورماسىنىڭ نەگىزىن قالاۋشىلاردىڭ ءبىرى ايبەك قۋاتباەۆ.
Daryn.online ميسسياسى – ساپالى ءبىلىمدى قولجەتىمدى ەتۋ، ەلىمىزدەگى ءبىلىم ساپاسىن ارتتىرۋ جولىندا جاڭا تەحنولوگيالار مەن يننوۆاتسيالاردى جاساۋ.
كەز كەلگەن وقۋشىنىڭ ءبىلىم الىپ، ۇستازدىڭ ساباق بەرىپ جəنە اتا-انانىڭ دامۋى ءۇشىن Daryn.online زاماناۋي شەشىمدەر قابىلداپ، العا قويعان جوسپار بويىنشا جۇمىس ىستەۋگە ءəزىر.
