«اكەمىز قايدا دەيدى؟ اكەمىز قايدا دەپ الدەن سۇراپ جاتىر. جازدا كەلەدى دەپ قويامىز. «اپا، اكەمىز جاپىراق شىققاندا جازدا كەلەدى»، – دەپ ايتادى»، – دەيدى مارقۇمنىڭ اناسى.

گۇلنار ابيەۆانىڭ ۇلىنان ەل امان، جۇرت تىنىشتا ايىرىلىپ، قارا جامىلعانىنا 3 اي بولدى. نەمەرەلەرى «اكەمىز قايدا؟» دەپ سۇراعان سايىن انا جۇرەگى قارس ايىرىلادى. ول كىسىنىڭ ايتۋىنشا، قىلمىستىڭ استارىندا تەك كومىرگە تالاس جاتقان جوق.

«بىردەڭە بار سياقتى. جاي كومىر ءۇشىن، كەزەك ءۇشىن ادام ولتىرمەيدى. ايتپەسە جارايدى كەلىسپەي قالدى كەزەككە، كەلىسپەسە دە بىردەڭە بارى انىق. تەمىرمەن ۇرىپ ولتىرگەنى انىق. ويتكەنى الماتىدان ساراپتامادان كونۆەرت الدىق. اشىپ ادۆوكاتقا بەردىك. وسى ەكىنشى سوتتا كورسەتەمىز. ەگەر كەلمەسە كوميسسيا شاقىرتىپ، قايتا قازدىرىپ تەكسەرتەمىز»، – دەپ ەگىلەدى مارقۇمنىڭ اناسى گۇلنار ابيەۆا.

مارقۇمنىڭ اكەسى امانتاي ابيەۆتى قىلمىس بولعان كۇنى تەرگەۋشى 3 كۇدىكتى دە قاماۋعا الىندى دەپ سەندىرگەن. جەرلەۋ ءراسىمىن وتكىزىپ، ەس جيعان سوڭ ءمان-جايدى بىلەيىن دەسە ۋاقىتشا تەرگەۋ يزولياتورىندا تەك ءبىر عانا ازامات وتىرعانىن بىلگەن. ونىڭ ءوزىن تەرگەۋشىلەر قورعاشتاپ وتىر، دەيدى ول.

«مونتاجدايتىن ەكى قۇرال سول جەردە قالعان. سول توبەلەس بولعان جەردە قالعان. ەندى ەكەۋى دە تەرگەۋشىنىڭ كابينەتىندە تۇر. تەرگەۋشى ولاردىڭ كاماز جۇرگىزۋشىلەرىنەن ءتۇسىپ قالعانىن ايتادى. قالاي ءتۇسىپ قالادى؟ قولىندا ءىزى جوق دەسەك، قولعاپپەن سوققان دەيدى. تەرگەۋشىنىڭ ءوزى ادۆوكات بولىپ وتىر»، – دەيدى مارقۇمنىڭ اكەسى امانتاي ابيەۆ.

سەمەيدە ءوتىپ جاتقان سوت وتىرىسىنىڭ تىڭدالىمىنا قولىنا كىسەن سالىنىپ اكەلگەن كۇدىكتى ءولىمنىڭ ابايسىزدا بولعانىن ايتىپ، ءوز كىناسىن تولىق مويىندامايتىنىن العا تارتتى.

ال كۇنى كەشە كۋاگەر اتانعان تاعى ءبىر ازامات توبەلەستى ءبىرىنشى بولىپ باستاسا دا وقيعانىڭ جەلىسىن ۇمىتىپ قالىپتى.

مەن ول ءساتتى كورمەدىم. ەسىمدە جوق»، –  دەيدى كۇدىكتى.

قىلمىستىق ءىس بويىنشا سوت وتىرىسىنىڭ باستالعانى كەشە عانا. سپورتپەن شۇعىلدانىپ، سالاۋاتتى ءومىر سالتىن ۇستانعان اتپالداي ازاماتتى تەك ءبىر ادام جۇدىرىقپەن ولتىرە المايدى. ياعني، كۋاگەرلەردى دۇرىستاپ تەرگەۋ كەرەك دەيدى مارقۇمنىڭ تۋىستارى. ال ادۆوكات ءالىپتىڭ ارتىن باعۋ كەرەك دەگەن پىكىردە.

«جيناقتالعان دالەلدەرگە قاراپ ءىس 106-باپ 3-تارماق (دەنساۋلىققا قاساقانا اۋىر زيان كەلتiرۋ، ابايسىزدا جابiرلەنۋشiنiڭ ولىمىنە اكەپ سوققان نە قىلمىستىق توپ جاساعان ءىس-ارەكەتتەر) بويىنشا قارالىپ جاتىر. پروتسەسس ەندى باستالدى. سوت وتىرىسىندا باسقا دا قىلمىستار اشىلىپ جاتاتىن بولسا ءبىز ءىستى قوسىمشا تەرگەۋگە جىبەرۋدى سۇرايتىن بولامىز. ازىرشە اشىپ ايتا الاتىنىم وسى»، – دەيدى ادۆوكات دامير قۇرمانوۆ.

توبەلەس، ۇزىن سونار كەزەك قاراجىرا كومىر قويماسى ءۇشىن تاڭسىق دۇنيە ەمەس. جىل سايىن مەزگىلىنە قاراي مۇندا وسىنداي كيكىلجىڭدەر ءجيى بولىپ تۇرادى. مىنە، سونىڭ كەسىرىنەن تۇتاس ءبىر وتباسى اسىراۋشىسىنان ايىرىلىپ وتىر. بەتى اشىلماعان دەرەكتەردىڭ كوپتىگىنە بايلانىستى سوت پروتسەسى ءالى ءبىراز ۋاقىتقا دەيىن سوزىلاتىن سىڭايلى.