اتىراۋ وبلىسىندا ولگەن بەكىرە بالىقتارىنىڭ ۆيدەوسى جەلىدە تارالىپ جاتىر بۇگىن، 10:44203 0 اتىراۋ وبلىسىندا ولگەن بەكىرە بالىقتارىنىڭ ۆيدەوسى جەلىدە تارالىپ جاتىر، - دەپ حابارلايدى "اك جايىك". جەرگىلىكتى باق مالىمەتىنشە، وسى ۆيدەو "لۋگوۆوي ات زاۋىتى" كومپانياسىنىڭ اتىراۋداعى فيليالىندا قالا ماڭىنداعى كوك-ارنا اۋىلىندا تۇسىرىلگەن. مەكەمە ديرەكتورىنىڭ ايتۋىنشا، وسىعان دەيىن ولگەن بالىقتاردى ۇلتتىق ساراپتاما ورتالىعىنىڭ لابوراتورياسىنا جانە قازاق تاماقتانۋ اكادەمياسىنا جىبەرىلگەن. "بارلىعى دا دۇرىس دەدى، ياعني قوسالقى زاتتار جوق. قۇقىق قورعاۋ ورگاندارى كىنالىلەردى انىقتاعانىن كۇتىپ وتىرمىز. ازىرشە بارلىعى ءۇنسىز. بارلىق ولگەن بالىقتى ءبىز الىپ شىقتىق. بۇكىل بالىق ءولىپ قالعان. بۇل 36 توننا بەكىرە بالىعى. قوجايىندارى زالال مولشەرىن ەسەپتەپ جاتىر. بۇگىن سوڭعىسىن الىپ شىقتىق. قوجايىندارى نە ىستەۋ كەرەكتىگىن ايتادى", - دەدى فيليال ديرەكتورى امانجان شاۋدانوۆ. ونىڭ ايتۋىنشا، "لۋگوۆوي ات زاۋىتى" يەسى جامبىل وبلىسىندا ورنالاسقا باس كەڭسەدە وتىرادى ەكەن. "قازىرگى ۋاقىتتا ولاردىڭ وكىلى بار. تاياۋدا اتىراۋعا باسشىلىعى دا كەلەدى. بۇل نەسيەگە الىنعان قاراجات ەدى. ەگەر زالال وتەلمەيتىن بولسا، وندا بۇل جەردىڭ بولاشاعى جوق. مەنىڭ جۇمىسىم - ولگەن بالىقتاردى شىعارىپ، جايىقتى ۋلاماۋ. قوجايىنداردىڭ جالعى ايتقانى، ولگەن بالىقتاردىڭ ىسىمەن اينالىسىپ جاتقان تەرگەۋشىلەرگە بايلانىسۋ قاجەت", - دەدى شاۋدانوۆ. ايتا كەتەيىك، اتىراۋ وبلىسىندا بالىقتاردىڭ جاپپاي قىرىلۋى وسىمەن بىرنەشە رەت انىقتالىپ وتىر. 2018 جىلى جەلتوقساننىڭ باسىندا وزەندە ولگەن بىرنەشە بالىق ءتۇرى توننالاپ شىعارىلعان ەدى
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз