Balyqtar neden qyryldy?

29.01.2019

2255

Atyraý oblysynda ólgen bekire balyqtarynyń vıdeosy Jelide taralyp jatyr búgin, 10:44203 0 Atyraý oblysynda ólgen bekire balyqtarynyń vıdeosy Jelide taralyp jatyr, - dep habarlaıdy "Ak Jaıyk". Jergilikti BAQ málimetinshe, osy vıdeo "Lýgovoı at zaýyty" kompanııasynyń Atyraýdaǵy fılıalynda qala mańyndaǵy Kók-arna aýylynda túsirilgen. Mekeme dırektorynyń aıtýynsha, osyǵan deıin ólgen balyqtardy Ulttyq saraptama ortalyǵynyń laboratorııasyna jáne Qazaq tamaqtaný akademııasyna jiberilgen. "Barlyǵy da durys dedi, ıaǵnı qosalqy zattar joq. Quqyq qorǵaý organdary kinálilerdi anyqtaǵanyn kútip otyrmyz. Ázirshe barlyǵy únsiz. Barlyq ólgen balyqty biz alyp shyqtyq. Búkil balyq ólip qalǵan. Bul 36 tonna bekire balyǵy. Qojaıyndary zalal mólsherin eseptep jatyr. Búgin sońǵysyn alyp shyqtyq. Qojaıyndary ne isteý kerektigin aıtady", - dedi fılıal dırektory Amanjan Shaýdanov. Onyń aıtýynsha, "Lýgovoı at zaýyty" ıesi Jambyl oblysynda ornalasqa bas keńsede otyrady eken. "Qazirgi ýaqytta olardyń ókili bar. Taıaýda Atyraýǵa basshylyǵy da keledi. Bul nesıege alynǵan qarajat edi. Eger zalal ótelmeıtin bolsa, onda bul jerdiń bolashaǵy joq. Meniń jumysym - ólgen balyqtardy shyǵaryp, Jaıyqty ýlamaý. Qojaıyndardyń jalǵy aıtqany, ólgen balyqtardyń isimen aınalysyp jatqan tergeýshilerge baılanysý qajet", - dedi Shaýdanov. Aıta keteıik, Atyraý oblysynda balyqtardyń jappaı qyrylýy osymen birneshe ret anyqtalyp otyr. 2018 jyly jeltoqsannyń basynda ózende ólgen birneshe balyq túri tonnalap shyǵarylǵan edi

Facebook - парақшамызға жазылыңыз!