"استانادا جاستار اراسىندا جۇمىسسىزدىق دەڭگەيى وتە جوعارى، رەسپۋبليكا بويىنشا ەكىنشى ورىندا". بۇل پىكىردى بۇگىن مەملەكەت باسشىسى قاسىم-جومارت توقاەۆ ەلوردانى دامىتۋ جونىندەگى كەڭەس وتىرىسىندا ايتتى، دەپ جازادى "ادىرنا" ۇلتتىق پورتالى.
"ازاماتتاردىڭ ءال-اۋقاتىن ارتتىرۋعا باسا ءمان بەرۋ قاجەت. باستى نازاردى قالا تۇرعىندارىن جۇمىسپەن قامتۋعا اۋدارۋ ماڭىزدى. الەۋمەتتىك قامسىزداندىرۋ اياسىنداعى ورتاشا جالاقى 100 مىڭ تەڭگەدەن اسادى. جۇمىس ورىندارى بار. بىراق اتاۋلى الەۋمەتتىك كومەك الاتىن ەڭبەككە جارامدى ازاماتتاردىڭ 60 پايىزدان استامىنىڭ تۇرمىس جاعدايى تومەن. سونداي-اق جاستاردى قولداۋ شارالارى ءتيىمدى ەمەس. جاستارمەن جۇمىس بۇقارالىق ءىس-شارالار وتكىزۋدەن اسپاي جاتادى. ال، استانادا جاستار اراسىندا جۇمىسسىزدىق دەڭگەيى وتە جوعارى، رەسپۋبليكا بويىنشا ەكىنشى ورىندا. بيىلدان باستاپ 35 جاسقا دەيىنگى ازاماتتار جاستار ساناتىنا قوسىلادى. سوعان سايكەس ولاردىڭ سانى كوبەيەدى. ۇكىمەتكە اكىمدىكپەن بىرگە قالاداعى جاستارمەن جۇمىستى كۇشەيتۋدى تاپسىرامىن",- دەدى توقاەۆ.
"ادىرنا" ۇلتتىق پورتالى
