رەسەي ۋكراينانىڭ حاركوۆ قالاسىنداعى تۇرعىن ءۇيدىڭ ءبىرىن زىمىرانمەن جارىپ جىبەردى. عيمارات قالا ورتالىعىندا ورنالاسقان. سوڭعى كەلىپ جەتكەن دەرەكتەرگە سەكسەك، بەيبىت تۇرعىندار اراسىندا زارداپ شەككەندەر بار، دەپ حابارلايدى "ادىرنا" ۇلتتىق پورتالى.
حاركوۆ وبلىستىق اكىمشىلىگىنىڭ باسشىسى ولەگ سينەگۋبوۆتىڭ ايتۋىنشا، حاركوۆقا س-300 زىمىراندارى باعىتتالعان. جەرگىلىكتى جۇرتشىلىق تەرەزەلەرىنىڭ سوققىدان زاقىمدانعانىن ايتىپ، دابىل قاعىپ جاتىر.
رەسەيدىڭ اتقان زىمىرانان ءبىر ادام قازا تاپتى. الدىن-الا دەرەكتەر بويىنشا جاراقات العان ءۇش تۇرعىن بار.
"ادىرنا" ۇلتتىق پورتالى
