تايلاندتىڭ پحانگان ارالى، حااد-رين جاعاجايىندا ابەس ارەكەتكە بارىپ، ادامدارعا شابۋىل جاساعان قازاقستاندىق تۋريست ۇستالدى. ول دوڭايبات ارەكەت جاساپ، دەمالۋشىلاردىڭ مۇلكىنە زالال كەلتىرگەن. بۇل جايلى جەرگىلىكتى پوليتسيا قىزمەتكەرلەرى مالىمدەدى، دەپ حابارلايدى "ادىرنا" ۇلتتىق پورتالى Tengritravel.kz جانە جەرگىلىكتى "CH3" تەلەارناسىنا سىلتەمە كورسەتە وتىرىپ.
حااد-رين جاعاجايىندا شەتەلدىك ءتۋريستىڭ "ەسىنەن اداسقانى" تۋرالى پحانگان پوليتسياسىنا حابار كەلىپ تۇسكەن.
"ول ادامداردىڭ قىر سوڭىنان قالماي، جەرگىلىكتى تۇرعىندارعا شابۋىل جاساپ، كۋرورتتا جانە جاعاجاي ماڭىنداعى مەيرامحانالارداعى دەمالۋشىلاردىڭ مۇلكىنە زالال كەلتىرگەن", - دەپ حابارلايدى "CH3" كانالى.
جەرگىلىكتى قۇقىق قورعاۋ ورگاندارىنىڭ قىزمەتكەرلەرى قازاقستاندىق ءتۋريستى ۇستاماق بولعاندا، ول قورشاۋدان سەكىرىپ، تەڭىز ورتاسىنداعى جارتاستارعا شىعاپ العان.
"ول قولىمەن بۇلعاپ، قازاقشا ايعايلاعان (نەگىزىندە ورىس تىلىندە ايعايلاپ وتىر - اۆت. تۇسىندىرمەسى), ۆيدەودان بايقاۋعا بولادى", - دەپ جازدى تايلاندتىق ThaiRath باسىلىمى.
پوليتسيا مالىمەتىنشە، ەر اداممەن بىرگە ەكى ايەل بولعان، ولاردى پوليتسەيلەر سۋدان شىعارىپ، ءوز ارەكەتى ءۇشىن جاۋاپ بەرۋىن تالاپ ەتكەن. الايدا ءتىل بىلمەگەندىكتەن كەلىسسىوزدەر قيىنعا سوققان.
"سن3" تەلەارناسىنىڭ حابارلاۋىنشا، جاسى مەن ەسىمى اتالماعان قازاقستاندىق سىرا ءىشىپ، اپيىن شەككەننەن كەيىن ءوز-ءوزىن ۇستاي الماي ابىرويىن توككەنىن ايتقان. بارلىق زالالدى وتەيتىنىن مالىمدەگەن.
"ادىرنا" ۇلتتىق پورتالى
