قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ كەڭەيتىلگەن القا وتىرىسى ءوتتى. جيىن بارىسىندا باعدات مۋسين 2022 جىلعى جۇمىستى قورىتىندىلادى، سونداي-اق جەتەكشىلىك ەتەتىن باعىتتاردىڭ باسىمدىقتارى جانە 2023 جىلعا ارنالعان جوسپارلار تۋرالى ايتتى، دەپ حابارلايدى «ادىرنا» ءتىلشىسى ۆەدومستۆونىڭ ءباسپاسوز قىزمەتىنە سىلتەمە جاساپ.
ءمينيستردىڭ مالىمدەۋىنشە، بۇگىنگى تاڭدا پرواكتيۆتى قىزمەتتەر ەنگىزىلىپ جاتىر، ولاردىڭ جالپى سانى 40-قا جەتكەن.
پرواكتيۆتى ءتاسىل - «Invisible Government» تۇجىرىمداماسىن ىسكە اسىرۋ كەزەڭدەرىنىڭ ءبىرى بولىپ سانالادى. ول دەگەنىمىز، ازامات ءۇشىنشى تۇلعالاردىڭ قاتىسۋىنسىز ءومىردىڭ بارلىق كەزەڭدەرىندە مەملەكەتپەن ءوزارا ءىس-قيمىل جاساي الادى.
«ءبىزدىڭ ستراتەگيالىق مىندەتىمىز - ءاربىر ومىرلىك جاعدايدى تالداۋ، ازاماتتىڭ نەنى باستان وتكەرەتىنىن ءتۇسىنۋ، كەدەرگىلەردى جويۋ جانە ءبارىن ىڭعايلى ءارى تۇسىنىكتى پروتسەسكە كوشىرۋ. ول ءۇشىن فوكۋس-توپتار جينالىپ، ناقتى مەملەكەتتىك ورگاندار، CDO جانە ت.ب. ۇيىمدار تارتىلاتىن بولادى. بيزنەس-پروتسەستەردى قايتا قاراعاننان كەيىن ولاردى پرواكتيۆتى قىزمەتتەرگە بارىنشا اۋىستىرۋ جوسپارلانۋدا»، - دەدى باعدات مۋسين.
سونداي-اق، مينيستر حقكو-نىڭ سەرۆيستىك قىزمەتتەرىن وڭتايلاندىرۋ بويىنشا جۇمىستار جالعاسىپ جاتقانىن اتاپ ءوتتى.
«قازىر قازاقستاندا 324 ورتالىق بار، وتكەن جىلى 14-ءى جاڭعىرتىلدى، بيىل تاعى 50-ءىن جاڭارتۋ جۇمىسى جوسپارلانىپ وتىر. تاياۋ بولاشاقتا ەلىمىزدە بارلىق ۇيىمدار ورنالاسقان جانە قازاقستاندىقتار مەملەكەتپەن ءوزارا ءىس-قيمىل جاساي الاتىن جانە قىزمەتتەردى ءبىر جەردەن الا الاتىن ازاماتتارعا ىڭعايلى جانە ساپالى قىزمەت كورسەتۋگە ارنالعان بىرىڭعاي كەڭىستىك - «سۋپەرتسوندار» پايدا بولادى»،—دەدى ول.
