QR ıfrlyq damý, ınnovaııalar jáne aeroǵarysh ónerkásibi mınıstrliginiń keńeıtilgen alqa otyrysy ótti. Jıyn barysynda Baǵdat Mýsın 2022 jylǵy jumysty qorytyndylady, sondaı-aq jetekshilik etetin baǵyttardyń basymdyqtary jáne 2023 jylǵa arnalǵan josparlar týraly aıtty, dep habarlaıdy «Adyrna» tilshisi vedomstvonyń baspasóz qyzmetine silteme jasap.
Mınıstrdiń málimdeýinshe, búgingi tańda proaktıvti qyzmetter engizilip jatyr, olardyń jalpy sany 40-qa jetken.
Proaktıvti tásil - «Invisible Government» tujyrymdamasyn iske asyrý kezeńderiniń biri bolyp sanalady. Ol degenimiz, azamat úshinshi tulǵalardyń qatysýynsyz ómirdiń barlyq kezeńderinde memleketpen ózara is-qımyl jasaı alady.
«Bizdiń strategııalyq mindetimiz - árbir ómirlik jaǵdaıdy taldaý, azamattyń neni bastan ótkeretinin túsiný, kedergilerdi joıý jáne bárin yńǵaıly ári túsinikti proeske kóshirý. Ol úshin fokýs-toptar jınalyp, naqty memlekettik organdar, CDO jáne t.b. uıymdar tartylatyn bolady. Bıznes-proesterdi qaıta qaraǵannan keıin olardy proaktıvti qyzmetterge barynsha aýystyrý josparlanýda», - dedi Baǵdat Mýsın.
Sondaı-aq, mınıstr HQKO-nyń servıstik qyzmetterin ońtaılandyrý boıynsha jumystar jalǵasyp jatqanyn atap ótti.
«Qazir Qazaqstanda 324 ortalyq bar, ótken jyly 14-i jańǵyrtyldy, bıyl taǵy 50-in jańartý jumysy josparlanyp otyr. Taıaý bolashaqta elimizde barlyq uıymdar ornalasqan jáne qazaqstandyqtar memleketpen ózara is-qımyl jasaı alatyn jáne qyzmetterdi bir jerden ala alatyn azamattarǵa yńǵaıly jáne sapaly qyzmet kórsetýge arnalǵan biryńǵaı keńistik - «sýperONdar» paıda bolady»,—dedi ol.
