ء"بىزدىڭ ۇلتتىق ونەر "ونەر" ەمەس پە؟ كەز-كەلگەن باسقا ءتىلدىڭ، باسقا مەملەكەتتىڭ، باسقا ۇلتتىق جوبالار جىلدام وتەدى. قازاقستاندا قازاقتى ۇلتسىزداندىرۋ، رۋحسىزداندىرۋ ساياساتىن جۇرگىزىپ وتىرعان ارنايى ادامدار بار ما دەيمىن". بۇل پىكىردى بەلگىلى ايتىسكەر اقىن رينات زايتوۆ "ادىرنا" ۇلتتىق پورتالىنىڭ YouTube-ارناسىنا بەرگەن سۇحباتىندا ايتتى.
"مەنىڭ داۋىم بار. نەگە استانانىڭ وپەرا بالەت تەاترىنداعى ارتىستەر 1-1,5 ملن جارىم ايلىق الادى. ال بىزدىكىلەر 110-اق مىڭ تەڭگە الادى. نە؟ سوندا ءبىزدىڭ ۇلتتىق ونەر "ونەر" ەمەس پە؟ ەكەن. ءبىزدىڭ تاريحىمىز، تامىرىمىز وسى دومبىرا مەن قوبىز ەدى عوي. وندا تەڭ قىلسىن. سوندا ءبارىمىز شۋلاتپايىق. بىراق ءبىز ادىلەتسىزدىكتى كوزىمىزبەن كورىپ تۇرمىز عوي. مىندەتتى تۇردە الالاۋ بار. كەز-كەلگەن باسقا ءتىلدىڭ، باسقا مەملەكەتتىڭ، باسقا ۇلتتىق جوبالار جىلدام وتەدى، قويىلىپ جاتقان اقشالارى كوپ. اللاعا شۇكىر. بىلتىر 2022 جىلى تىكەلەي ءبىزدىڭ الماتى قالاسىنىڭ مادەنيەت باسقارماسىمەن، اكىمشىلىكپەن وتىرىپ، كەلىسىپ، دالەلدەپ "اعا، مىناۋ كەرەك" دەگەننىڭ ناتيجەسىندە تاريحتا بولماعان كوپ وقيعالار... جەكپە-جەك ايتىس جاسادىق، تۇڭعىش رەت ءداستۇرلى انشىلەرگە جاستار اراسىندا اۆتوكولىك قويىپ، بايگە جاسادىق. ونى تۇراقتاندىردىق. بيىل دا بولادى بۇيىرسا. وسىنداي-وسىنداي قادامدار جاسالىنادى. بىراق، سول ونەردى ۇستاپ وتىرعان، سول ونەردى ۇلىقتاپ وتىرعان ادامداردىڭ باعاسى قانشا دەگەنمەن مەنىڭ تۇسىنىگىمدە ۇلتتىق رۋحانياتقا، ۇلى مۇرامىزدى ساقتاپ وتىرعان ادامدار باسقاسىنان ءبىر تابان جوعارى تۇرۋى كەرەك ال بىزدە تۇسىنىكسىز ءان ايتاتىن، الاۋكىم-سالاۋكىمدەردىڭ ءبارى...", - دەپ اشىندى ايتىسكەر اقىن.
ءجۋرناليستتىڭ ء"بىزدىڭ ەلىمىزدە نە سەبەپتەن وزگە ەلدىڭ مادەنيەتىن ۇلىقتاۋ جوعارى؟" دەگەن سۇراعىنا زايتوۆ بىلاي جاۋاپ بەردى:
"سەبەبىن بىلمەيمىن. ال كىم ىستەپ وتىرعانىن ناقتى بىلەمىن. بۇل تازا جوعارى جاقتان بەرىلەتىن تاپسىرمالار. وسى تەاترعا كەلگەلى ءبىر كۇمان پايدا بولا باستادى. ءبىزدىڭ قازاقستاندا قازاقتى ۇلتسىزداندىرۋ، رۋحسىزداندىرۋ ساياساتىن جۇرگىزىپ وتىرعان ارنايى ادامدار بار ما دەيمىن. "ولاردىڭ دومبىرا، قوبىزدارى، كۇيلەرى، اندەرى، ايتىستارى، جىرلارى ەشقايدا شىعىپ كەتپەۋى كەرەك دەپ ويلاپ وتىرعان توپتار بار" سياقتى. ونى مەن تولىققاندى ايتا الامىن. وسى ۋاقىتقا كەلگەنشە... ويتكەنى، ءبىز الماتىدا وتەتىن ءبىر "گاككۋ فەست" دەگەن جىن ويناقتى پرەمەر-ءمينيستردىڭ ورىنباسارى ول كەزدە ەرالى توعجانوۆ ەدى. سول كىسىنىڭ بەتىنە "اعا، مىناۋ ۇيات! مىنانى ىستەتپەيىك" دەگەندە، ول ىستەي الماي قويسا، دەمەك ءبىر توپتار بار عوي. ولاردى قولداپ وتىرعان. دۇرىس پا؟", - دەيدى رينات زايتوۆ.
"ادىرنا" ۇلتتىق پورتالى
