فيلارمونيا ۇجىمىنىڭ ەرەكشە باستاماسى 

2584
Adyrna.kz Telegram

العاش رەت قازاقستاندا، جامبىل اتىنداعى قازاق مەملەكەتتىك فيلارمونياسىندا 2023 جىلدىڭ 4 اقپانىندا ديريجەرلىك ونەردىڭ جارقىن تالانتتارىنا ارنالعان ماڭىزى زور مادەني جوبا  – حالىقارالىق «جاڭا ەسىمدەر» جوباسى باستاۋ الماق. 

جوبانىڭ ماقساتى – زاماناۋي ديريجەرلىك ونەردى قولداۋ، دامىتۋ، ناسيحاتتاۋ، وسى ونەردەگى جاڭا ەسىمدەردى تانىتۋ، دارىندى جاستاردىڭ كاسىبي شەبەرلىگىن شىڭداۋ، سونداي-اق قازاقستاندىقتاردىڭ نازارىن كلاسسيكالىق مۋزىكاعا اۋدارىپ، وتاندىق جانە شەتەلدىك ديريجەرلەرمەن حالىقارالىق بايلانىستاردى نىعايتۋ ارقىلى ەلىمىزدىڭ مۋزىكا مادەنيەتىن جەتىلدىرۋ. 

«جاڭا ەسىمدەر» جوباسى اياسىندا 4 اقپان كۇنى ساعات 18:00-دە جامبىل اتىنداعى قازاق مەملەكەتتىك فيلارمونياسىنىڭ ۇلكەن زالىندا ت. ابدىراشەۆ اتىنداعى قر مەملەكەتتىك اكادەميالىق سيمفونيالىق وركەسترىنىڭ قاتىسۋىمەن كونتسەرت وتەدى. 

باعدارلامادا: 

پ.ي.چايكوۆسكي  –  «يتالياندىق كاپريچچيو»، «رومەو ي دجۋلەتتا»، ف.ليست  –  «پرەليۋدتار»، ب.سمەتانا  –  «ۆلتاۆا»، ا.دجورجاك  – «كارناۆال» ۋۆەرتيۋراسى، ا.جۇبانوۆ، ل.حاميدي  –  «اباي» وپەراسىنان بي، گ. مالەر  –  «اداجيەتتو».

جوباعا قاتىسۋشى ديريجەرلەر: 

باربارا پوپلاۆسكا، يلياس دۇيسەن، نارىن قاجىعاليەۆ، قۋانىش يسمايلوۆ.

پىكىرلەر