24 قاڭتار كۇنى قازاقستان رەسپۋبليكاسى پرەزيدەنتىنىڭ حالىقارالىق سەرىكتەستىك بويىنشا ارناۋلى وكىلى ەرجان قازىحان ۆاشينگتوندا ۇلتتىق قاۋىپسىزدىك بويىنشا كەڭەسشى دجەيك سالليۆانمەن كەزدەسۋ وتكىزدى. بۇل تۋرالى اق ءۇيدىڭ ءباسپاسوز قىزمەتىنە مالىمدەدى، دەپ حابارلايدى “ادىرنا” ءتىلشىسى.
كەزدەسۋدە قۇراما شتاتتار مەن قازاقستان بۇۇ جارعىسى قاعيدالارىن، ونىڭ ىشىندە بارلىق مەملەكەتتىڭ ەگەمەندىگى مەن اۋماعىنىڭ تۇتاستىعىن قولدايتىنىن راستادى.
ودان بولەك، تاراپتار ەكى ەل اراسىنداعى ستراتەگيالىق ارىپتەستىكتى جانە ەنەرگەتيكالىق قاۋىپسىزدىك سياقتى نەگىزگى ەكىجاقتى جانە وڭىرلىك ماسەلەلەر بويىنشا ىنتىماقتاستىقتى تالقىلادى.
سونىمەن قاتار، بىرلەسكەن مالىمدەمەدە امەريكالىقتار اقش پرەزيدەنت قاسىم-جومارت توقاەۆتىڭ قازاقستانداعى مەملەكەتتىك باسقارۋدىڭ اشىقتىعى مەن ەسەپتىلىگىن جاقسارتۋ جونىندەگى كۇش-جىگەرىن قولدايتىنىن اتاپ ءوتتى.
ايتا كەتەيىك، بۇگىن قازاقستاندىق جانە امەريكالىق دەلەگاتسيا وكىلدەرى ادام قۇقىقتارى مەن دەموكراتيالىق رەفورما بويىنشا كوميسسيانىڭ ەكىنشى وتىرىسىن وتكىزەدى.
ءبىرىنشى كەزدەسۋ 2022 جىلدىڭ ساۋىرىندە استانادا بولعان. تاراپتار ازاماتتىق قوعام، ءدىن ەركىندىگى، سوت جۇيەسىن نىعايتۋ مەن قازاقستاندا ساياسي رەفورما جۇرگىزۋ سىندى اۋقىمدى ماسەلەلەردى تالقىلاعان بولاتىن.
