24 qaŋtar künı Qazaqstan Respublikasy Prezidentınıŋ halyqaralyq serıktestık boiynşa arnauly ökılı Erjan Qazyhan Vaşingtonda ūlttyq qauıpsızdık boiynşa keŋesşı Djeik Sallivanmen kezdesu ötkızdı. Būl turaly Aq üidıŋ baspasöz qyzmetıne mälımdedı, dep habarlaidy “Adyrna” tılşısı.
Kezdesude Qūrama ştattar men Qazaqstan BŪŪ Jarǧysy qaǧidalaryn, onyŋ ışınde barlyq memlekettıŋ egemendıgı men aumaǧynyŋ tūtastyǧyn qoldaitynyn rastady.
Odan bölek, taraptar ekı el arasyndaǧy strategiialyq ärıptestıktı jäne energetikalyq qauıpsızdık siiaqty negızgı ekıjaqty jäne öŋırlık mäseleler boiynşa yntymaqtastyqty talqylady.
Sonymen qatar, bırlesken mälımdemede amerikalyqtar AQŞ Prezident Qasym-Jomart Toqaevtyŋ Qazaqstandaǧy memlekettık basqarudyŋ aşyqtyǧy men eseptılıgın jaqsartu jönındegı küş-jıgerın qoldaitynyn atap öttı.
Aita keteiık, bügın qazaqstandyq jäne amerikalyq delegasiia ökılderı Adam qūqyqtary men demokratiialyq reforma boiynşa komissiianyŋ ekınşı otyrysyn ötkızedı.
Bırınşı kezdesu 2022 jyldyŋ säuırınde Astanada bolǧan. Taraptar azamattyq qoǧam, dın erkındıgı, sot jüiesın nyǧaitu men Qazaqstanda saiasi reforma jürgızu syndy auqymdy mäselelerdı talqylaǧan bolatyn.
Ūqsas jaŋalyqtar
