اقش پەن تۇركيانىڭ دروندارى رەسەيدىڭ اسكەري كۇشتەرى ورنالاسقان تەرريتوريانىڭ ۇستىنەن ۇشىپ ءوتتى

11612
Adyrna.kz Telegram
ەردوعان رەسەي مەن ۋكراينا اراسىنداعى كيكىلجىڭ مينسك كەلىسىمى ارقىلى شەشىلۋى كەرەك دەدى.  بىراق ەردوعان ۋكراينانى قولداپ وتىرعانىن اشىق ايتتى. وسىنىڭ الدىنداعى ۋكراينانىڭ گەرمانيا تاراپىنان كۇتكەنى تۇركيا تاراپىنان ورىندالعان سياقتى بولدى.  تۇركيا تاراپى سوعىس كەزىندە ۋكراينامەن ساۋدا-ەكونوميكالىق قارىم-قاتىناستى ارتتىراتىنىن اتاپ ءوتتى.
بۇگىن دونباسستا ۋكراينانىڭ تۇركيادان ساتىپ العان Bayraktar TB2 دروندارى شەكارا ماڭىن باقىلاپ، كوكتە اۋەلەتتى. رەسەيدىڭ اسكەري قۇرىلىمدارى بۇل كورىنىستى كورىپ، ءبىراز ابىرجىپ قالدى. سەبەبى، Bayraktar TB2 رەسەيدىڭ پۆو پانتسير-س، س-125, زرك-تور، تانكتەرى مەن سوعىس تەحنيكالارى شوعىرلانىپ تۇرعان تەرريتوريانىڭ ۇستىنەن ۇشىپ وتكەن. بۇل جايىندا ۋكراينانىڭ قورعانىس جانە بارلاۋ، ۇلتتىق قاۋىپسىزدىك كوميتەتى توراعاسىنىڭ ورىنباسارى يۋري مىسياگين ءمالىم ەتتى.
يۋري مىسياگين ءوزىنىڭ سوزىندە: "ۋكراينا قارۋلى كۇشتەرىنىڭ ساربازدارى، جولداستار! ءبىز ەشكىمنەن قورىقپايمىز! ءبىز ولاردى ماسكەۋىنە قاراتا شەگىندىرەمىز! بىزگە Bayraktar TB2 سولاي جاساۋعا مۇمكىندىك بەرەدى" دەپ جىگەرلەنە سويلەدى.
وكىنىشكە قاراي، بۇگىن دونباسستا جارىلعىش زات جارىلىپ، ونىڭ جارىقشاعىنان 4 جاسار ءبۇلدىرشىن بالا قازا تاپتى. بۇل حابار بۇۇ-نىڭ باس شتابى مەن ونىڭ قاۋىپسىزدىك كەڭەسىنە دە جەتتى. قازىر دونباسستىڭ اۋە كەڭىستىگىن تۇركيانىڭ Bayraktar TB2-ءسى مەن اقش-تىڭ RQ-4 Global Hawk اتتى دروندارى باقىلاۋعا الىپ، شەكارا تۇستارىندا بارلاۋ جۇمىستارىنا كىرىستى.
رەسەي تاراپىنان قارۋلانعان سەپاراتيستتەر ۋكراينانىڭ وڭتۇستىك-شىعىس شەكاراسى ماڭىندا ىسكە كىرىسىپ، ارانداتۋشى ارەكەتتەردى جۇرگىزىپ جاتىر. وسىلاي ءتۇبى سوعىسقا ۇلاساتىن سياقتى. ۆلاديمير زەلەنسكيدىڭ موينىندا اۋىر جۇك پەن وتان الدىنداعى ۇلى جاۋاپكەرشىلىك تۇر. 
بەكبولات قارجان،
"ادىرنا" ۇلتتىق پورتالى 
پىكىرلەر