ءۇشىنشى مەگاپوليستە 2022 جىلى 160 مىڭعا جۋىق جاس تۇرعىن ءتۇرلى الەۋمەتتىك باعىتتار بويىنشا ۇيىمداستىرىلعان ءىس-شارالارعا قاتىسقان. ال قالالىق جاستار رەسۋرستىق ورتالىعى 32 مىڭعا جۋىق جاسقا قىزمەت كورسەتتى.
جاستار رەسۋرستىق ورتالىعى جانىنان ءموبيلدى توپ قۇرىلىپ، «جاستاردان جاستارعا – اقپاراتتىق كەرۋەن» جوباسى ۇيىمداستىرىلدى. ونىڭ اياسىندا شالعاي ەلدى مەكەندەردەگى 15 مىڭنان استام جاسقا جۇمىسقا ورنالاسۋ، ءۇي كەزەگىنە تۇرۋ، تەحنيكالىق ءبىلىم الۋ جانە تاعى باسقا الەۋمەتتىك كومەكتەر ۇسىنىلىپ، بوس جۇمىس ورىندارى جارمەڭكەسى وتكىزىلدى.
ناتيجەسىندە بۇگىندە جوبا اياسىندا 16 735 جاستار مەملەكەتتىك باعدارلاماعا جۇمىلدىرىلدى. اتاپ ايتقاندا 9 مىڭعا جۋىق جاسقا ءتۇرلى باعىتتار بويىنشا جۇمىسقا جولداما بەرىلسە، ونىڭ ىشىندە 4739 جاس تۇراقتى جۇمىسقا ورنالاسقان، ال 7 مىڭعا جۋىق جاس ونلاين وقۋدان وتكەن. ونىڭ ىشىندە 455 جاس كاسىپكەر قايتارىمسىز مەملەكەتتىك گرانتقا قول جەتكىزىپ وتىر.
سونىمەن قاتار، شىمكەنت قالاسى اۋماعىنداعى 9 ءىرى بازاردىڭ جانىنان «جاستار ۇيىمدارى» اشىلىپ، جاستارمەن جۇمىس جۇرگىزۋدە. «شىمكەنت قالاسىنداعى NEET ساناتىنداعى جاستار تۋرالى» تۇجىرىمداما بەكىتىلگەن. وعان سايكەس جۇمىسسىز جۇرگەن جاستار ءتىزىمى جاساقتالىپ، وقۋعا ءتۇسۋ جانە جۇمىسقا ورنالاسۋ بويىنشا اقپاراتتىق ءتۇسىندىرۋ جۇمىستارى جۇرگىزىلۋدە.
جوسپارعا سايكەس جىل باسىنان بەرى «مۇمكىندىكتەر الاڭى» اتتى بوس جۇمىس ورىندارى جارمەڭكەسى 37 رەت ۇيىمداستىرىلىپ، وعان 5000 جاس قامتىلدى. سونىمەن قاتار، «جاسىل ەل» ەڭبەك جاساقتارى جوباسى اياسىندا 1313 جاس شىلدە-قىركۇيەك ايلارى ارالىعىندا جۇمىسپەن قامتىلدى. ەڭبەك جاساقتارى 200 توننادان استام قوقىس جينالىپ، جالپى 70 گەكتارعا جۋىق گۇلزاردىڭ كۇتىمىمەن اينالىستى.
ايتا كەتەيىك، شىمكەنتتە 14-29 ارالىعىنداعى 245 178 جاس بار. ولار جالپى قالا حالقىنىڭ 21,7 پايىزىن قۇرايدى.
