جاستاردى ادەبيەتكە تارتۋ ءۇشىن بىزگە مىزعىماس ۇلتتىق يدەولوگيا مەن جەتكىلىكتى دەڭگەيدە الەۋمەتتىك قامتاماسىز ەتۋ دە كەرەك ءدۇر. ال، وركەنيەتتى ەلدەردە بۇل جاعدايلاردىڭ بارلىعى دا دەرلىك قولعا الىنعان. ايتپەسە، ايلىعى شايلىعىنا جەتپەي، پاتەر جاعالىپ جۇرگەن جاستاردىڭ الەۋمەتتىك جەتىسپەۋشىلىكتەن كوڭىلدەرى توقىراپ، پاتەر جاعالاپ جۇرگەندە، ولاردىڭ ۇلتتىڭ ادەبيەتىنە ىقىلاسى دا قانداي بولاتىنىن بولجاۋ قيىن ەمەس. ولاردىڭ ىشىندە ءبىزدىڭ ستۋدەنت جاستارىمىز دا جەتەرلىك. پاتەر جالداپ، جۇمىس تاپپاي جۇرگەن جاستاردىڭ سانى قانشاما ەكەن؟ مەن بىلمەيمىن، بىراق تىم كوپ ەكەنىن انىق بىلەمىن. ونىڭ بارلىعىن ءبىز ادەبيەتتى وقۋعا تارتا المايمىز. بىراق ۇلتتىڭ ادەبيەتىنىڭ قاينار بۇلاقتارى ءبىزدىڭ كىتاپقۇمار سانالى جاستارىمىزدىڭ ساناسىنا قۇيىلسا، بۇل ءبىز ءۇشىن كوكتەن ىزدەگەنىمىز جەردەن تابىلعانى. ال، ونى جاسايتىن يدەولوگيا قايدا؟ قارجىلىق كومەك قايدا؟ ءوزىمىزدىڭ انا ءتىلىمىزدى مەملەكەتتىڭ بيىك مىنبەرلەرىندە سويلەتە الماي، شيرەك عاسىردان استام ۋاقىتتان بەرى ءالى ۇلارداي شۋلاپ كەلەمىز. قايدان ەندى ناتيجە؟ ءبىز تەك سالدارمەن عانا كۇرەسەتىن ۇلتقا اينالىپ كەتتىك. سەبەپتىڭ قايدا جاتقانىن ەلەمەگەننەن سوڭ وسىنداي رۋحاني داعدارىسقا ۇشىراپ وتىرمىز. نەگە ءبىز تۇپكى سەبەبىن ءبىلىپ، الدىن الا الماي وتىرمىز؟ ءتىپتى بۇل جاعداي بىزگە ۇيرەنشىكتى بولىپ قالدى. ءبىراز بۇرىن دا ەلگە بەلگىلى اقساقال ۇلتتىڭ ادەبيەتىن تىرىلتپەي، ءبىزدىڭ رۋحاني جاڭعىرۋىمىز دا، ۇرانداتقانىمىز دا بەكەر دەگەن بولاتىن. ءبىز بۇلاي رۋحاني جاڭعىرماي*اق قويدىق... سول سياقتى، ۇلتتىق ادەبيەتتى ءتىرىلتۋ دە شەشىلمەگەن قوعامدىق-الەۋمەتتىك ماسەلەلەرمەن تىعىز بايلانىستى ەكەنىن ۇمىتپايىق... قارنىڭدا ءبىر نارسە بولماسا، ميىڭدا نە بولماق...
بەكبولات قارجان
"ادىرنا" ۇلتتىق پورتالى
