پارلامەنت ءماجىلىسىنىڭ دەپۋتاتى ازات پەرۋاشەۆ قازاقستان اتاۋىمەن قاتار "قازاق رەسپۋبليكاسى" اتاۋىن دا قولدانۋدى ۇسىندى. پەرۋاشەۆ بۇل تۋرالى 23 قاڭتاردا ماجىلىستە پرەمەر-مينيستر باقىتجان ساعىنتاەۆتىڭ اتىنا "اق جول" پارتياسى فراكتسياسىنىڭ اتىنان دەپۋتاتتىق ساۋال جولدادى.
پەرۋاشەۆ ساۋالىندا 2020 جىلى سسسر قۇرامىندا قازاق رەسپۋبليكاسىنىڭ قۇرىلعانىنا 100 جىل تولاتىنىن ايتىپ، بۇل داتانى "لايىقتى اتاپ وتۋگە" شاقىردى. قازاقستان اتاۋىمەن قاتار رەسمي تۇردە قولدانۋ ءۇشىن "قازاق رەسپۋبليكاسى" دەگەن اتاۋدى قايتا قولدانىسقا ەنگىزۋ ماسەلەسىن قاراستىرۋدى ۇسىندى.
ونىڭ سوزىنشە، بۇل باستامانى بەس جىل بۇرىن پرەزيدەنت نۇرسۇلتان نازارباەۆ كوتەرگەن جانە ونى ىسكە اسىراتىن ۋاقىت جەتتى.
"قارانى - قارا، اقتى - اق، قازاقتى - قازاق دەپ، ءار نارسەنى ءوز اتىمەن اتاۋ كەرەك. رەسپۋبليكاعا ءتىپتى توتاليتارلىق بيلىك مويىنداعان "قازاق" اتاۋىن قايتارساق تاريحي ادىلەتتىلىك قايتا ورناپ قانا قويمايدى، ول ەلدەگى بارلىق ۇلتتىڭ دوستىعى مەن بىرلىگىنە دەم بەرەدى" دەدى ازات پەرۋاشەۆ.
"ادىرنا" ۇلتتىق پورتالى
