Parlament májilisiniń depýtaty Azat Perýashev Qazaqstan ataýymen qatar "Qazaq Respýblıkasy" ataýyn da qoldanýdy usyndy. Perýashev bul týraly 23 qańtarda májiliste premer-mınıstr Baqytjan Saǵyntaevtyń atyna "Aq jol" partııasy frakııasynyń atynan depýtattyq saýal joldady.
Perýashev saýalynda 2020 jyly SSSR quramynda Qazaq Respýblıkasynyń qurylǵanyna 100 jyl tolatynyn aıtyp, bul datany "laıyqty atap ótýge" shaqyrdy. Qazaqstan ataýymen qatar resmı túrde qoldaný úshin "Qazaq Respýblıkasy" degen ataýdy qaıta qoldanysqa engizý máselesin qarastyrýdy usyndy.
Onyń sózinshe, bul bastamany bes jyl buryn prezıdent Nursultan Nazarbaev kótergen jáne ony iske asyratyn ýaqyt jetti.
"Qarany - qara, aqty - aq, qazaqty - qazaq dep, ár nárseni óz atymen ataý kerek. Respýblıkaǵa tipti totalıtarlyq bılik moıyndaǵan "Qazaq" ataýyn qaıtarsaq tarıhı ádilettilik qaıta ornap qana qoımaıdy, ol eldegi barlyq ulttyń dostyǵy men birligine dem beredi" dedi Azat Perýashev.
"Adyrna" ulttyq portaly
