بۇگىن پرەزيدەنت قاسىم-جومارت توقاەۆ بارلىق دەڭگەيدەگى ءماسليحاتتاردىڭ وكىلەتتىكتەرىن توقتاتۋ تۋرالى جارلىققا قوي قويدى. مەملەكەت باسشىسى جەتىنشى سايلانعان قر پارلامەنتىنىڭ ءماجىلىسىن تاراتىپ، كەزەكتەن تىس سايلاۋ مەرزىمىن 19 ناۋرىزعا بەكىتۋ تۋرالى شەشىم قابىلدادى. بۇل تۋرالى استانا قالالىق ءماسليحاتىنىڭ بۇرىنعى دەپۋتاتى نۇرداۋلەت ورازحانوۆ پىكىر ءبىلدىردى، دەپ حابارلايدى El.kz اقپاراتتىق اگەنتتىگى.
نۇرداۋلەت ورازحانوۆ پرەزيدەنتتىڭ شەشىمىن تولىعىمەن قولدايتىنىن جەتكىزدى.
وسىعان دەيىن 2023 جىلدىڭ ءبىرىنشى جارتىسىندا ءماجىلىس سايلاۋىنىڭ وتەتىنىن پرەزيدەنت الدىن الا جاريالاعان بولاتىن. الداعى ۋاقىتتا وتەتىن سايلاۋلار مەملەكەتىمىزدەگى ترانسفورماتسيالاردىڭ سوڭعى نۇكتەسى بولماق. بيىلعى ارالاس سايلاۋ جۇيەسى بىرىنشىدەن، حالىقتىڭ قامىن ويلايتىن، ەشبىر پارتيا قۇرامىنا كىرمەگەن بەلسەندى ازاماتتار ءۇشىن ۇلكەن مۇمكىندىكتەر اشادى. ەكىنشىدەن، ساياسي پارتيالار ءۇشىن باسەكەلەستىكتە تەڭ مۇمكىندىك تۋدىرادى. بۇل دەگەنىمىز، ەلىمىزدەگى ساياسي ءپليۋراليزمدى جاڭا دەڭگەيگە شىعارادى، – دەدى نۇرداۋلەت امانتايۇلى.
وعان قوسا ەكس-دەپۋتات سايلاۋلاردان كەيىن قيىندىقتاردى ەڭسەرە بىلەتىن جاڭا قۇرام قۇرىلادى دەگەن ويىن ءبىلدىردى.
بيىلعى جىل ەكونوميكالىق تۇرعىدان وڭاي بولماسىن بىلەمىز، سوندىقتان سايلاۋ ناتيجەسىندە جاڭا سىناقتارعا توتەپ بەرە الاتىن ىقپالدى پارلامەنت قۇرىلاتىنىنا سەنىمىم مول، – دەدى ول.
