Búgin Prezıdent Qasym-Jomart Toqaev barlyq deńgeıdegi máslıhattardyń ókilettikterin toqtatý týraly Jarlyqqa qoı qoıdy. Memleket basshysy jetinshi saılanǵan QR Parlamentiniń Májilisin taratyp, kezekten tys saılaý merzimin 19 naýryzǵa bekitý týraly sheshim qabyldady. Bul týraly Astana qalalyq máslıhatynyń burynǵy depýtaty Nurdáýlet Orazhanov pikir bildirdi, dep habarlaıdy El.kz aqparattyq agenttigi.
Nurdáýlet Orazhanov Prezıdenttiń sheshimin tolyǵymen qoldaıtynyn jetkizdi.
Osyǵan deıin 2023 jyldyń birinshi jartysynda Májilis saılaýynyń ótetinin Prezıdent aldyn ala jarııalaǵan bolatyn. Aldaǵy ýaqytta ótetin saılaýlar memleketimizdegi transformaııalardyń sońǵy núktesi bolmaq. Bıylǵy aralas saılaý júıesi birinshiden, halyqtyń qamyn oılaıtyn, eshbir partııa quramyna kirmegen belsendi azamattar úshin úlken múmkindikter ashady. Ekinshiden, saıası partııalar úshin básekelestikte teń múmkindik týdyrady. Bul degenimiz, elimizdegi saıası plıýralızmdi jańa deńgeıge shyǵarady, – dedi Nurdáýlet Amantaıuly.
Oǵan qosa eks-depýtat saılaýlardan keıin qıyndyqtardy eńsere biletin jańa quram qurylady degen oıyn bildirdi.
Bıylǵy jyl ekonomıkalyq turǵydan ońaı bolmasyn bilemiz, sondyqtan saılaý nátıjesinde jańa synaqtarǵa tótep bere alatyn yqpaldy Parlament qurylatynyna senimim mol, – dedi ol.
