دەپۋتات ازامات ابىلداەۆتىڭ "مەن رەسەي پرەزيدەنتىن قولدايمىن" دەگەن مالىمدەمەسىنە قاتىستى “اق جول” پارتياسى پرەزيديۋمى حابارلاما جاسادى، دەپ جازادى "ادىرنا" ۇلتتىق پورتالى.
"اق جول" پارتياسىنىڭ توراعاسى ازات پەرۋاشەۆتىڭ حابارلاۋىنشا، دەپۋتات ا.ابىلداەۆتىڭ ماسەلەسى بۇگىن پارتيانىڭ ۇلتتىق كەڭەسىندە قارالادى.
"ا.ابىلداەۆتىڭ سوزدەرى “اق جول” پارتياسىنىڭ پوزيتسياسىنا قاراما-قايشى جانە سونىمەن قاتار پارتيالىق جانە دە دەپۋتاتتىق ەتيكانى دا بۇزىپ تۇر. "اق جول” پارتياسى قاشان دا رەسپۋبليكامىزدىڭ جانە باسقا دا دوس مەملەكەتتەردىڭ تاۋەلسىزدىگى مەن جەر تۇتاستىعىن قۇرمەتتەيدى جانە قولدايدى. دەپۋتاتتاردىڭ تارتىپتىك ماسەلەسىن قاراستىرۋ پارتيانىڭ ۇلتتىق كەڭەسىنىڭ قۇزىرەتىنە كىرەتىندىكتەن، دەپۋتات ا.ابىلداەۆتىڭ سوزدەرىنە ساياسي باعا بەرۋ جانە ماسەلەسىن قاراۋ ءۇشىن ەرتەڭ پارتيانىڭ ۇلتتىق كەڭەسىنىڭ پلەنۋمى شاقىرىلۋدا",- دەپ جازدى ازات پەرۋاشەۆ كەشە ءوزىنىڭ تەلەگرام-ارناسىندا.
"ادىرنا" ۇلتتىق پورتالى
