Depýtat Azamat Ábildaevtyń "Men Reseı prezıdentin qoldaımyn" degen málimdemesine qatysty “Aq jol” partııasy prezıdıýmy habarlama jasady, dep jazady "Adyrna" ulttyq portaly.
"Aq jol" partııasynyń tóraǵasy Azat Perýashevtyń habarlaýynsha, depýtat A.Ábildaevtyń máselesi búgin partııanyń Ulttyq Keńesinde qaralady.
"A.Ábildaevtyń sózderi “Aq jol” partııasynyń pozıııasyna qarama-qaıshy jáne sonymen qatar partııalyq jáne de depýtattyq etıkany da buzyp tur. "Aq jol” partııasy qashan da Respýblıkamyzdyń jáne basqa da dos memleketterdiń táýelsizdigi men jer tutastyǵyn qurmetteıdi jáne qoldaıdy. Depýtattardyń tártiptik máselesin qarastyrý partııanyń Ulttyq keńesiniń quzyretine kiretindikten, depýtat A.Ábildaevtyń sózderine saıası baǵa berý jáne máselesin qaraý úshin erteń partııanyń Ulttyq Keńesiniń plenýmy shaqyrylýda",- dep jazdy Azat Perýashev keshe óziniń telegram-arnasynda.
"Adyrna" ulttyq portaly
