شىمكەنت قالاسى اكىمىنىڭ ءبىرىنشى ورىنباسارى بولىپ قۋانىش اسىلوۆ تاعايىندالدى، دەپ حابارلايدى “ادىرنا” ۇلتتىق پورتالى.
"پرەزيدەنت اكىمشىلىگىنىڭ كەلىسىمى بويىنشا قۋانىش جۇمابەكۇلى اسىلوۆ شىمكەنت قالاسى اكىمىنىڭ ءبىرىنشى ورىنباسارى بولىپ تاعايىندالدى", - دەلىنگەن حابارلامادا.
شىمكەنت اكىمدىگىنىڭ مالىمەتىنشە، تاعايىندالعانعا دەيىن ول قر پرەزيدەنتى اكىمشىلىگىنىڭ مەملەكەتتىك ينسپەكتورى قىزمەتىن اتقاردى.
اسىلوۆ قۋانىش جۇمابەكۇلى 1973 جىلى 14 ناۋرىزدا الماتىدا دۇنيەگە كەلگەن.
ءال-فارابي اتىنداعى قازاق ۇلتتىق ۋنيۆەرسيتەتى قۇقىقتانۋ عىلىمدارىنىڭ ماگيسترى، ۆاشينگتون ديۋك ۋنيۆەرسيتەتى سەنفورد مەملەكەتتىك ساياسات مەكتەبى ساياساتتانۋ عىلىمدارىنىڭ ماگيسترى.
1995-2002 جىلدارى - بيزنەس سالاسىنداعى باسشىلىق لاۋازىمدار.
2002-2006 جىلدارى - مەملەكەتتىك ورگانداردا قىزمەت اتقارعان.
2006-2010 جىلدارى - قر پرەزيدەنتىنىڭ ءىس باسقارماسىندا رەسمي ءىس-شارالارى جانە سىرتقى بايلانىستار سەكتورىنىڭ مەڭگەرۋشىسى.
2011-2013 جىلدارى - قر ەسەپ كوميتەتىنىڭ قارجىلىق بۇزۋشىلىقتاردى زەرتتەۋ ورتالىعىنىڭ ديرەكتورى.
2013-2014 جىلدارى - قر ءبىلىم جانە عىلىم مينيسترلىگىنىڭ جاستار ىستەرى جونىندەگى كوميتەتىنىڭ توراعاسى.
2014-2017 جىلدارى - قر مادەنيەت جانە سپورت مينيسترلىگىنىڭ قوعامدىق-ساياسي جۇمىستار جانە تىلدەر ساياساتى كوميتەتىنىڭ توراعاسى.
2017-2018 جىلدارى - قر پرەزيدەنتى اكىمشىلىگى قوعامدىق-ساياسات سەكتورىنىڭ مەڭگەرۋشىسى.
2018-2019 جىلدارى - قر پرەزيدەنتى اكىمشىلىگى اناليتيكا ورتالىعى مەڭگەرۋشىسىنىڭ ءبىرىنشى ورىنباسارى.
2019-2023 جىلدارى - قر پرەزيدەنتى اكىمشىلىگىنىڭ مەملەكەتتىك ينسپەكتورى.
قازاقستان كاسىپقوي بوكس فەدەراتسياسىنىڭ ءبىرىنشى ۆيتسە-پرەزيدەنتى، قر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ تۇلەكتەرى قاۋىمداستىعىنىڭ پرەزيدەنتى.
"قۇرمەت" وردەنىنىڭ كاۆالەرى، "ەرەن ەڭبەگى ءۇشىن", قر ۇلتتىق قاۋىپسىزدىك كوميتەتىنىڭ "قر ۇقك 25 جىل" مەملەكەتتىك مەدالدارىمەن ماراپاتتالعان.
