نەپالداعى ۇشاق اپاتى سالدارىنان بارلىق جولاۋشى مەن ەكيپاج مۇشەسى قايتىس بولدى. بۇل تۋرالى نەپالدىڭ جەرگىلىكتى بيلىگى حابارلاۋدا، دەپ حابارلايدى “ادىرنا” ۇلتتىق پورتالى.
بۇگىن ATR 72 ءتۋربوۆينتتى جولاۋشىلار ۇشاعى پوحارا قالاسىنىڭ ەسكى جانە جاڭا اۋەجايلارى اراسىندا اپاتقا ۇشىراعان بولاتىن.
جەرگىلىكتى Yeti Airlines اۋەكومپانياسىنا تيەسىلى ۇشاق كاتماندۋدان پوحاراعا ۇشقان ەدى. اۋەكومپانياسى وكىلىنىڭ مالىمەتىنشە، بورتتا 68 جولاۋشى مەن 4 ەكيپاج مۇشەسى بولعان.
“جەرگىلىكتى بيلىك ورگاندارى اپاتقا ۇشىراعان ۇشاقتىڭ بارلىق جولاۋشىسى مەن ەكيپاج مۇشەسى قازا تاپقانىن مالىمدەدى”، - دەدى News18 تەلەارناسىنىڭ ديكتورى.
وسىنىڭ الدىندا عانا سول تەلەارنا 45 جولاۋشىنىڭ قازا تاپقانىن حابارلاعان بولاتىن.
