Nepaldaǵy ushaq apaty saldarynan barlyq jolaýshy men ekıpaj múshesi qaıtys boldy. Bul týraly Nepaldyń jergilikti bıligi habarlaýda, dep habarlaıdy “Adyrna” ulttyq portaly.
Búgin ATR 72 týrbovıntti jolaýshylar ushaǵy Pohara qalasynyń eski jáne jańa áýejaılary arasynda apatqa ushyraǵan bolatyn.
Jergilikti Yeti Airlines áýekompanııasyna tıesili ushaq Katmandýdan Poharaǵa ushqan edi. Áýekompanııasy ókiliniń málimetinshe, bortta 68 jolaýshy men 4 ekıpaj múshesi bolǵan.
“Jergilikti bılik organdary apatqa ushyraǵan ushaqtyń barlyq jolaýshysy men ekıpaj múshesi qaza tapqanyn málimdedi”, - dedi News18 telearnasynyń dıktory.
Osynyń aldynda ǵana sol telearna 45 jolaýshynyń qaza tapqanyn habarlaǵan bolatyn.
