20 ناۋرىز كۇنى اتىراۋعا بىرىككەن اراب امىرلىكتەرىنەن قازاقستاندىق 126 جولاۋشى كەلدى. بۇل تۋرالى اتىراۋ وبلىسىنىڭ اكىمدىگى حابارلادى.
كەشە تۇنگى ساعات 22.30-دا №5044 "شاردجا-اتىراۋ" رەيسىمەن كەلگەن جولاۋشىلار اۋەجايداعى ارنايى سانيتارلىق پۋنكتتە تەكسەرىلدى. جولاۋشىلاردىڭ 106-سى - اتىراۋ وبلىسىنىڭ تۇرعىندارى، بىرەۋى عانا رەسەي فەدەراتسياسى ازاماتى، ال قالعان جيىرماسى ەلىمىزدىڭ وزگە وڭىرلەرىنەن. رەسەي فەدەراتسياسى ازاماتى بەس جاستاعى بالا. كورشى ەلدە دۇنيەگە كەلگەنى بولماسا، اتا-اناسى قازاقستان رەسپۋبليكاسىنىڭ ازاماتتارى. وتانداستارىمىز كوروناۆيرۋس قاۋىپى ولشەمى بويىنشا 2 كاتەگورياعا جاتاتىن قاۋىپتى ەمەس ەلدەن كەلدى. ولار اۋەجايدان تۇسكەن بەتتى تولىق تەكسەرۋدەن وتكىزىلدى. وبلىستىق دەنساۋلىق ساقتاۋ باسقارماسىنىڭ باسشىسى بايتوللا عازيزوۆتىڭ ايتۋىنشا، بارلىعىنىڭ جاعدايى جاقسى.
- ءباا شاردجا قالاسىنان اتىراۋ قالاسىنا ءبىزدىڭ ەلدىڭ ازاماتتارى كەلگەن بولاتىن. ولاردىڭ بارلىعى ارنايى تەكسەرىستەن ءوتتى. جاعدايلارى قاناعاتتانارلىق. بارلىعى باقىلاۋدا، - دەيدى باسقارما باسشىسى.
ايتا كەتەيىك، اتىراۋدا كوروناۆيرۋستى جۇقتىرۋ فاكتىسى تىركەلگەن جوق. مەديتسينالىق ۇيىمداردا قاجەتتى ءدارى-دارمەك بار. تۇرعىندار بارلىق سۇراق بويىنشا 98-02-92 call ورتالىعىنا نەمەسە 8778 007 20 21 WhatsApp جەلىسىنە حابارلاسا الادى.
ەستەرىڭىزگە سالا كەتەيىك، بۇگىن نۇر-سۇلتان قالاسىندا قر مادەنيەت جانە سپورت مينيسترلىگى تۋريزم يندۋسترياسى كوميتەتى توراعاسىنىڭ مىندەتىن اتقارۋشى داستان رىسپەكوۆتىڭ قاتىسۋىمەن ونلاين بريفينگ وتكەن بولاتىن. د.رىسپەكوۆ 18-23 ناۋرىز ارالىعىندا قازاقستاندىق تۋريستەردى ەلگە قايتارۋ ءۇشىن 19 چارتەرلىك رەيس قاراستىرىلعان ايتقان ەدى. ول ءوز سوزىندە، چارتەرلىك رەيستەر قازاقستاننىڭ بىرقاتار قالالارىنا (اتىراۋ دا بار) ۇشاتىنان اتاپ ءوتتى. الداعى ۋاقىتتا اتىراۋعا ەشقانداي چارتەرلىك رەيس جوسپارلانىپ وتىرعان جوق.
