«AMANAT» پارتياسىنىڭ حاتشىسى داۋلەت كارىبەك «اشىق الاڭ باعدارلاماسىنا قاتىسىپ، ەلىمىزدەگى ساياسي ترانسفورماتسيالاردىڭ باعىت-باعدارى تۋرالى پىكىر ءبىلدىردى.
ول ءوز سوزىندە وڭىرلىك باسقارۋعا دەربەستىك بەرۋ كەرەكتىگىن اتاپ ءوتتى.
«پاندەميا كەزىندە جامبىل وبلىس اكىمىنىڭ ورىنباسارى قىزمەتىن اتقاردىم. ءدارى-دارمەك الايىن دەسەڭ، ونى ءبىرىنشى دەنساۋلىق ساقتاۋ مينيسترلىگى ساتىپ الۋى كەرەك. ال ۆەدومستۆو ءدارى-دارمەككە «سق-فارماتسيا» ارقىلى قول جەتكىزەدى. ول ساعان جەتەم دەگەنشە ءبىراز ماسەلە بولادى. جەر كودەكسى بويىنشا توقتالايىق. بۇرىن ۇلكەن جانە ءبىر ادامنىڭ قولىنا جينالىپ قالعان جەرلەردى انىقتاۋ ۇكىمەتتىڭ قۇزىرەتىندە بولاتىن. بىراق ونى جەرگىلىكتى ءماسليحاتتار انىقتايدى. وسىنداي جەرگىلىكتى جەرلەرگە جۇمىستى تاپسىرۋ ارقىلى ونى جەڭىلدەتىپ، تەزدەتە الامىز. ءبىلىم سالاسىندا ۆەرتيكالدى باسقارۋ سانگە كىرىپ، بۇكىل مەكتەپ تىكەلەي باسقارماعا قارايتىن بولدى. مىسال ايتايىن. ءبىر اۋداننىڭ ءبىلىم بەرۋ مەكەمەسىندە جەل تۇرىپ، ونىڭ شاتىرى قۇلاسا، ءسىز ءبىر كۇندە جوندەۋ جۇرگىزە المايسىز. ويتكەنى ول وبلىستىق باسقارمانىڭ باقىلاۋىنا الىنعان. اۋدان ءبىرىنشى توتەنشە جاعداي جاريالاپ، قارجى سالۋى ءتيىس. وسى ارالىقتا ءبىرشاما ۋاقىت وتەدى. سول سەبەپتى بيلىكتى اۋداندىق اكىمشىلىككە بەرۋ كەرەك. اۋدانعا اۋدان اكىمى جاۋاپ بەرە مە، تۋرا سولاي مەكتەپتەردى قاراۋ كەرەك. ۆەرتيكالدىق باسقارۋدان باس تارتۋ ارقىلى شەشىمدەردى تەز قابىلداي الامىز»،—دەدى ول.
