«AMANAT» partııasynyń hatshysy Dáýlet Káribek «Ashyq alań baǵdarlamasyna qatysyp, elimizdegi saıası transformaııalardyń baǵyt-baǵdary týraly pikir bildirdi.
Ol óz sózinde óńirlik basqarýǵa derbestik berý kerektigin atap ótti.
«Pandemııa kezinde Jambyl oblys ákiminiń orynbasary qyzmetin atqardym. Dári-dármek alaıyn deseń, ony birinshi Densaýlyq saqtaý mınıstrligi satyp alýy kerek. Al vedomstvo dári-dármekke «SQ-Farmaııa» arqyly qol jetkizedi. Ol saǵan jetem degenshe biraz másele bolady. Jer kodeksi boıynsha toqtalaıyq. Buryn úlken jáne bir adamnyń qolyna jınalyp qalǵan jerlerdi anyqtaý Úkimettiń quziretinde bolatyn. Biraq ony jergilikti máslıhattar anyqtaıdy. Osyndaı jergilikti jerlerge jumysty tapsyrý arqyly ony jeńildetip, tezdete alamyz. Bilim salasynda vertıkaldy basqarý sánge kirip, búkil mektep tikeleı basqarmaǵa qaraıtyn boldy. Mysal aıtaıyn. Bir aýdannyń bilim berý mekemesinde jel turyp, onyń shatyry qulasa, siz bir kúnde jóndeý júrgize almaısyz. Óıtkeni ol oblystyq basqarmanyń baqylaýyna alynǵan. Aýdan birinshi tótenshe jaǵdaı jarııalap, qarjy salýy tıis. Osy aralyqta birshama ýaqyt ótedi. Sol sebepti bılikti aýdandyq ákimshilikke berý kerek. Aýdanǵa aýdan ákimi jaýap bere me, týra solaı mektepterdi qaraý kerek. Vertıkaldyq basqarýdan bas tartý arqyly sheshimderdi tez qabyldaı alamyz»,—dedi ol.
