Qaraǧandy qalasynda 16 qabatty tūrǧyn üide gaz jaryldy. Qazır adamdardy qūtqaru jäne evakuasiialau jürıp jatyr. Būl turaly Tötenşe jaǧdailar ministrlıgı mälımdedı, dep habarlaidy “Adyrna” ūlttyq portaly.
Mälımet boiynşa, kezekşılık bölımıne 10 qaŋtar künı saǧat 21:29-da Respublika daŋǧyly, 18/2 mekenjaiynda ört bolyp jatqany turaly habar tüsken. 16 qabatty, 127-päterlı tūrǧyn üidıŋ 8-qabatynda jarylys bolyp, ört şyqqan.
«Oqiǧa ornyn tekseru barysynda üş adamnyŋ denesı tabylǧan. Boljam boiynşa olar ekı er adam men bır äiel ekenı anyqtaldy. TJD küşterınıŋ kömegımen 11 adam qūtqaryldy, onyŋ ışınde 2 bala bar», – delıngen habarlamada.Oqiǧa ornyna TJD 88 qyzmetkerı jäne bölımşelerınıŋ 23 tehnikasy jūmyldyryldy.Tūrǧyndardy jylytu üşın TJD 3 vahtalyq kölıgı tartyldy. Saǧat 22.55-de ört oqşaulandy. Oblys äkımdıgı evakuasiialanǧan adamdardy qonaq üilerge jetkızumen ainalysyp jatyr.
Ūqsas jaŋalyqtar
