Jazýshy, «Qazaq ádebıeti» gazetiniń bas redaktory Dáýren Qýat Qazaq eliniń syrtqy geosaıası ahýaly men bılikke qatysty ótkir pikir bildirdi, dep habarlaıdy "Adyrna" ulttyq portaly.
Jazýshynyń paıymdaýynsha, syrtqy saıası kúshterdiń qazaqqa yqpaly - alyp-qashpa áńgime ǵana. Qazaq eline dál qazirgi ýaqytta ultttyq biregeılik pen ulttyq rýhty nyǵaıtýǵa kúsh salý qajet.
- Bılik bizdi oryspen qorqytatyn. Áli de qorqytyp, qosúreıli qylyp otyr.Orys bizdi qytaımen qorqytyp keledi.Orystyń qazaqty qorqytatyn "bújáıi" bir qytaı emes. Aýǵanstan. Talıban bıligi. Qala berdi — AQSh pen Batys. Qazaqstan batystanyp ketse, qurıdy-mys, eldik nyshanynan tutas ada bolady, t.t.Qytaı bizdi qara nópir halqymen, yqtımal ekspanııasymen úreılendirýde.... Jalpy munyń bárin joqqa shyǵarýǵa áste bolmaıdy. Biraq bárinen qorqa berseń — qutyń qashady. Eń durysy — fobııasyz el bolý. Saıasatkerlerimiz bastap bárimiz jurttyń úreıin ushyra bermeı, ulttyń rýhyn oıatatyn iske umtylsaq qaıtedi osy?.. - dep oı tolǵady jazýshy.
Jazýshynyń kózqarasyna qatysty pikir bildirgenderdiń qısaby joq.
"Sol fobııany jasaý bıliktiń eldi aldaýsyratyp, ýaqyt utýy úshin jarap tur. Bolmasa, búgingi geosaıasatty zerdelesek, batyl qadamdarǵa baratyn qansha oraıdan aırylyp jatyrmyz. Demek, osy ahýal bılik úshin, daqpyrtty údertip, úrleı túsip, ony óz múddelerine jaratýǵa kerek";
"Oı, Dáýren Qýat baýyrym aý, sony aıtyp kelemiz ǵoı jyldar boıy bılikke, ártúrli sózben...Ózińdeı parasatty adamdar, zııaly qaýymǵa rýh berip, oıatyp, jan jaqtan sóz aıta bastasaq, bulardy da bir jaqqa shyǵararymyz anyq";
"Kartaǵa qarasaq 2,5 - 3,5 mln halqy bar memleketter de eshkimge bas ımeı, álemdik qoldaýǵa ıe bolyp otyr. Biz de solar sııaqty eshkimge jaltaqtamaı óz kúnimizdi ózimiz kórýimiz kerek. Kishkentaı Fınlııandııa eliniń halqy da kezinde qasqaıyp qarsy turǵan órkókirek keńes áskerine. Qazir sol Fınlıandııa NATO-ǵa múshe boldy. Ekonomıkasy damyp ketti. Tipti, Ýkraınaǵa qaraý-jaraqpen kómektesip jatyr.Bizdiń Úkimet te Ýkraına maıdanynda qoldanylyp, synaqtan ótken álemdik soǵys qarý-jaraqtarymen áskerimizdi qamtamasyz etýi kerek. Orystyń kerzi etigi men pımasyn, telogreıkasyn, fýfaıka, býshalattaryn da laqtyryp tastaıtyn kez keldi. Áskerimizdiń kıimderi men qarý-jaraqtary amerıkalyq áskerıleri úlgisinde qaıta jaraqtandyrylýy kerek";
"Halyq qozǵalmaı bılik qozǵalmaıdy, bul anyq";"Bəri durys. Eń bastysy - qazaqtyń sanyn kóbeıtý kerek" dep jazdy oqyrmandar.
"Adyrna" ulttyq portaly
