كورەيانىڭ عىلىمي-زەرتتەۋ ينستيتۋتى قازاقستاننان ءليتيدىڭ ءىرى كەن ورنىن تاۋىپ، ونى يگەرۋدى جوسپارلاپ وتىر، دەپ حابارلايدى "ادىرنا" ءتىلشىسى Korea Times-قا سىلتەپ.
ءليتيدىڭ كەن ورنى وتكەن جىلى شىعىس قازاقستاننان تابىلعان.
ينستيتۋت وكىلدەرى كەن ورنىن تاپقانى جانە جوسپارى تۋرالى 5 ناۋرىزدا سەۋلدەگى نەگىزگى مينەرالدار جونىندەگى حالىقارالىق فورۋمىندا حابارلادى.
ليتي تابىلعان اۋماقتا بۇرىن تانتال وندىرىلگەن. عالىمدار تانتالدىڭ ليتي مەن تسەزيمەن بىرگە جۇرەتىنىن ايتادى. كورەيالىق ينستيتۋت ماماندارى بۇل اۋداندى 2023 جىلدىڭ مامىر ايىنان باستاپ قازاقستان ۇكىمەتىنىڭ سۇرانىسى بويىنشا زەرتتەگەنى بەلگىلى بولدى.
گەولوگتاردىڭ ايتۋىنشا، كەن ورنىنداعى ليتي قورى 15,7 ميلليارد دوللارعا باعالانىپ وتىر.
كورەيانىڭ عىلىمي زەرتتەۋ ينستيتۋتى قازاقستان اۋماعىندا كەلەسى جىلى كورەيالىق كومپانيامەن بىرگە ليتي ءوندىرۋدى باستاۋ ءۇشىن بارلانعان اۋداندا بۇرعىلاۋ قۇقىعىنا ءوتىنىش بەرۋدى جوسپارلاپ وتىر.
ليتي - ەلەكتروموبيلدەر يندۋسترياسى ءۇشىن ماڭىزدى مينەرالداردىڭ ءبىرى بولىپ تابىلادى،
ەسكە سالا كەتەيىك، 2022 جىلدىڭ قازان ايىندا قازاقستان پرەزيدەنتى قاسىم-جومارت توقاەۆ رەسپۋبليكانىڭ جەر قويناۋىنداعى ليتي قورى 50-دەن 100 مىڭ تونناعا دەيىن ەكەنىن مالىمدەدى. ول گەولوگيالىق قىزمەتكە ليتي كەن ورىندارىن بارلاۋ جانە يگەرۋ جۇمىستارىن جانداندىرۋدى تاپسىرعان ەدى.
