Aqtöbede -26 gradus aiazda 20-dan asa köpqabatty üi jylusyz qaldy. Tūrǧyndar päterlerınde jylu joqtyǧyn aityp şaǧymdanuda. Būl turaly Diapazon jazdy, dep habarlaidy “Adyrna” ūlttyq portaly.
Jylumen jabdyqtauşy ūiym tötenşe jaǧdaidyŋ sebebın armaturalardyŋ zaqymdanuymen tüsındırdı.
“7 qaŋtarda keşke aiaz küşeiıp, tünde syrttaǧy aua temperaturasy -26 gradusqa deiın tömendedı. Tünı boiy apat bolyp, adamdar jūmys ıstep jatqanyn aitty. Taŋerteŋ jyludy qosuǧa äreket jasady. Alaida ol jūmys ıstemedı. Endı olar jylu jüiesındegı sudy qaitadan tögıp tastady”, - deidı tūrǧyndar.Al «Aqtöbe su-energotop» AQ mälımetınşe, tötenşe jaǧdai Äbılqaiyr han daŋǧyly, 84 mekenjaiyndaǧy ysyrmalardyŋ zaqymdaluymen bailanysty bolyp tūr. Ol şūǧyl auystyrudy qajet etedı. Käsıporynnyŋ mälımetınşe, ystyq su men jylu myna mekenjailar boiynşa şektelgen:
- Abylai han daŋǧyly 64, 66, 68, 70, 70/1, 72, 74, 76, 78, 80, 82, 84;
- M. Ospanov köşesı 52, 52/2, 54A, 54B, 54/1, 54/2, 57;
- Aldiiarov köşesı 2, 6;
- G. Jūbanov köşesı 50.
«Käsıporyn mamandary jylu kamerasynda jūmysqa kırıstı. Olar aiaqtalǧannan keiın ystyq su men jyludy beru ştattyq rejimde qalpyna keltırıledı», - delıngen kompaniia habarlamasynda.
Ūqsas jaŋalyqtar
