فەيسبۋك الەۋمەتتىك جەلىسىندە جۋرناليست مەيىرجان اۋەلحانۇلى تالعار اۋدانىنداعى كەلەڭسىز جاعدايدى ايتىپ، جازبا جاريالادى. جىلۋ توقتاپ، قاريالار مەن بالالاردىڭ دىردەك قاققانىن كورگەن اۆتور ەل اتقامىنەرلەرىنە رەنىشىن ءبىلدىردى. بۇل جايلى "ادىرنا" ۇلتتىق پورتالى حابارلادى.
- الماتى وبلىسى تالعار اۋدانى تۇزدىباستاۋ اۋىلىندا كەشەدەن بەرى گاز جوق. كورشىلەردىڭ چاتى شۋلاپ جاتىر. "قاشان كەلەدى؟ كىمگە حابارلاسامىز؟" دەگەن سۇراقتار. ءبىر سكرينشوتتار تاراپ ءجۇر. اعاشتاردىڭ گاز قۇبىرىنا قۇلاپ، اپات بولعانى جايلى. ءالى ەشقانداي رەسمي حابارلاندىرۋ تاراعان جوق. ۇيدەگى ايەل، بالا-شاعاعا، كارى ادامدارعا وبال. دىردەك قاعىپ، سۋىقتا پانا تاپپاي وتىر. تەك تۇزدىباستاۋ ەمەس، گۇلدالا ت.ب ءبىراز اۋىل سولاي ەكەن. بۇل ەل ەل بولۋدان قالىپ بارا ما قالاي؟ جوق الدە جولدى جاۋىپ، ميتينگ جاساماسا ماسەلە شەشىلمەيتىن بولعان با؟
وكىنىشكە قاراي، وقىرماندار اۆتوردىڭ جازباسىن ەلدىگىمگە سىن دەرەكتەرمەن تولىقتىرا جونەلدى. اۆتور، گازدىڭ تۇسكەن كەيىن، ساعات تورتتە كەلگەنىن جەتكىزدى. سونىمەن قاتار:
- "تاۋەكەل گاز" دەگەن مونوپوليست مەكەمە. گازدى تارتاتىن كەزدە اقشاسىن تولەپ قويعاننىڭ وزىندە سوڭدارىنان جۇگىرتىپ، حالىقتى كوپ اۋرە-سارساڭعا سالادى. ال قىستىڭ كوزى قىراۋدا ترۋباسى جارىلىپ جاتسا دا نە جاۋاپ بەرمەيدى، نە تەزدەتىپ جوندەمەيدى. قازاقتاندا جۇمىس جاسايتىن اكىم قارانىڭ ءبارىن ءبىر كەمەگە سالىپ باسقا جاققا كوشىرىپ جىبەرۋ كەرەك. ءبىر جاڭا قۇرلىق تاۋىپ، سونداعى تايپالارعا اكىم بولسىن!.. اكىمدىكتەگى ازاماتتاردىڭ "تۇسىنىستىكپەن قاراۋىن وتىنەمىز" دەگەن ءسوزىن تۇسىنە المايدى ەكەنمىن. سۋىق كۇندە ءسابيى بار انا نە ىستەيدى، اۋرۋ قارتى بار ادام نە ىستەيدى؟ ولار سىزدەرگە قالاي تۇسىنىستىكپەن قارايدى سوندا؟ - دەپ جازدى اۆتور.
"ادىرنا" ۇلتتىق پورتالى
