وتىز نە ودان كوپ جىل پەداگوگيكالىق ءوتىلى بار پەداگوگتەر ۇلتتىق بىلىكتىلىك تەستىلەۋىن (ۇبت) تاپسىرۋدان بوساتىلاتىن بولدى. مەكتەپ قابىرعاسىندا ۇزاق جىلدار قىزمەت ەتىپ، باي تاجىريبەگە كەنەلگەن ماماندار پورتفوليو كورسەتىپ، ەڭبەگىنىڭ جەمىسىن دالەلدەسە جەتىپ جاتىر، دەپ حابارلايدى "ادىرنا" ۇلتتىق پورتالى.
وقۋ-اعارتۋ مينيسترلىگىنىڭ مالىمەتىنشە، ء"بىرىنشى", "جوعارى" ساناتى بار مۇعالىمدەر جۇمىس ناتيجەسىن جان-جاقتى قورىتىندىلاپ، "پەداگوگ-مودەراتور" بىلىكتىلىك ساناتىنا اۋىسسا، وندا تەستىلەۋگە قاتىسپايدى. وعان قوسا زەينەت جاسىنا شىعۋعا ءتورت جىلدان از ۋاقىت قالعان مۇعالىمدەر دە اتتەستاتسيادان بوساتىلادى.
"مىسالى، بۇرىن ەڭبەك وتىلىنە جانە تاجىريبەسىنە قاراماستان بارلىق مۇعالىم ۇبت تاپسىرسا، ەندى جەكەلەگەن ساناتتار ۇبت-دان بوساتىلادى. بۇل ۇلكەن، 30 جىل پەداگوگيكالىق ءوتىلى بار، زەينەتكە شىعۋعا 4 جىل قالعان مۇعالىمدەرگە دە قاتىستى. اتتەستاتسيا مۇعالىمدەردىڭ بىلىكتىلىك دەڭگەيىن انىقتاۋ ماقساتىندا وتكىزىلەتىنىن، ونىڭ ناتيجەلەرى بويىنشا ولارعا بىلىكتىلىك ساناتتارى تاعايىندالاتىنىن نەمەسە بەكىتىلگەنىن جانە جالاقىنىڭ 30-دان 50%-عا دەيىنگى مولشەرىندە اي سايىنعى ۇستەمەاقى تولەنەتىنىن اتاپ وتەمىن", - دەدى وقۋ-اعارتۋ مينيسترلىگىنىڭ ورتا ءبىلىم كوميتەتى توراعاسى گۇلميرا كاريموۆا.
"ادىرنا" ۇلتتىق پورتالى
