قازاقستاندا رەسەيدەن كەلگەن 280-نەن اسا وقۋشى ءبىلىم الىپ جاتىر. بۇل تۋرالى قازاقستاننىڭ وقۋ-اعارتۋ مينيسترلىگى Halyq Uni رەسمي ساۋالىنا بەرگەن جاۋابىندا مالىمدەدى، دەپ حابارلايدى “ادىرنا” ۇلتتىق پورتالى.
“وبلىستاردىڭ، استانا، الماتى جانە شىمكەنت قالالارىنىڭ ءبىلىم باسقارمالارىنىڭ 2022 جىلدىڭ 10 قازانداعى اقپاراتى بويىنشا رەسپۋبليكا مەكتەپتەرىندە رەسەي فەدەراتسياسىنان كەلگەن 283 وقۋشى ءبىلىم الىپ جاتىر”، - دەلىنگەن مينيسترلىكتىڭ ورتا ءبىلىم بەرۋ كوميتەتى تاراتقان اقپاراتتا.
ايتا كەتەيىك، بۇعان دەيىن ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا قازاقستاندا 22,5 مىڭ رەسەيلىك جۇمىس ىستەيتىنىن، ولاردىڭ زەينەتاقى جارناسىن تولەپ جۇرگەنىن ايتتى.
«سونىڭ ىشىندە جىل باسىنان بەرى 8 مىڭعا جۋىق رەسەيلىك جۇمىسقا تۇردى. ولاردىڭ 72%-ءى – قىزمەت كورسەتۋ، 16%-ءى – ونەركاسىپتە، 9%-ءى – قۇرىلىستا، 2%-ءى اۋىل شارۋاشىلىعىندا جۇمىس ىستەيدى»، - دەدى دۇيسەنوۆا.
نەگىزگى ماماندىقتار ىشىندە كليەنتتەرمەن جۇمىس ىستەيتىن مەنەدجەر، بۋحگالتەر، ساتۋشى، اۆتوكولىك جۇرگىزۋشىلەرى دە بار.
