جول قوزعالىسى ەرەجەسىن بۇزعانى ءۇشىن سالىناتىن ايىپپۇل كولەمى ءوستى

2708
Adyrna.kz Telegram

2023 جىلدىڭ 1 قاڭتارىنان باستاپ ايلىق ەسەپتىك كورسەتكىشتىڭ (اەك) 3450 تەڭگەگە وسۋىنە بايلانىستى جۇرگىزۋشىلەر جول قوزعالىسى ەرەجەسىن بۇزعانى ءۇشىن كوبىرەك تولەيدى، دەپ حابارلايدى “ادىرنا” ۇلتتىق پورتالى. 

جاڭا جىلدان باستاپ قازاقستاندا جول قوزعالىسى ەرەجەسىن بۇزعانى ءۇشىن سالىناتىن ايىپپۇلدىڭ جاڭا مولشەرى كۇشىنە ەندى.

ايىپپۇل كولەمىنىڭ ارتۋىنا اەك مولشەرى اسەر ەتتى – قاڭتار ايىنان باستاپ ول 3450 تەڭگە بولىپ بەكىتىلدى.

ەندى ەڭ تومەنگى ايىپپۇل مولشەرى 6 900 تەڭگە (2 اەك) بولادى. بۇل زياندى زاتتار شىعارۋ نەمەسە شۋ دەڭگەيىن كوتەرگەن كولىك يەلەرىنە عانا ەمەس، سونىمەن قاتار رۇقسات ەتىلمەگەن جەردەن نەمەسە باعدارشامنىڭ تىيىم سالىنعان تۇسىنە وتكەن جاياۋ جۇرگىنشىلەرگە دە قاتىستى.

ەڭ ءىرى 172 500 تەڭگە (50 اەك) كولەمىندەگى ايىپپۇل جۇرگىزۋشى كۋالىگىنسىز رولگە وتىرعان جانە جول اپاتى بولعان جەردەن قاشىپ كەتكەن جۇرگىزۋشىلەرگە سالىنادى.

سونىمەن قاتار، كولىكتى ساقتاندىرماعانى، جىلدامدىقتى اسىرعانى، اپاتتى جاعداي تۋدىرعانى جانە قۇجاتسىز كولىك جۇرگىزگەنى ءۇشىن سالىناتىن ايىپپۇلدار دا ءوستى. ولاردىڭ كولەمى 17 جارىم مىڭنان 70 مىڭ تەڭگەگە دەيىن بارادى.

پىكىرلەر