2023 jyldyń 1 qańtarynan bastap aılyq eseptik kórsetkishtiń (AEK) 3450 teńgege ósýine baılanysty júrgizýshiler jol qozǵalysy erejesin buzǵany úshin kóbirek tóleıdi, dep habarlaıdy “Adyrna” ulttyq portaly.
Jańa jyldan bastap Qazaqstanda jol qozǵalysy erejesin buzǵany úshin salynatyn aıyppuldyń jańa mólsheri kúshine endi.
Aıyppul kóleminiń artýyna AEK mólsheri áser etti – qańtar aıynan bastap ol 3450 teńge bolyp bekitildi.
Endi eń tómengi aıyppul mólsheri 6 900 teńge (2 AEK) bolady. Bul zııandy zattar shyǵarý nemese shý deńgeıin kótergen kólik ıelerine ǵana emes, sonymen qatar ruqsat etilmegen jerden nemese baǵdarshamnyń tyıym salynǵan túsine ótken jaıaý júrginshilerge de qatysty.
Eń iri 172 500 teńge (50 AEK) kólemindegi aıyppul júrgizýshi kýáliginsiz rólge otyrǵan jáne jol apaty bolǵan jerden qashyp ketken júrgizýshilerge salynady.
Sonymen qatar, kólikti saqtandyrmaǵany, jyldamdyqty asyrǵany, apatty jaǵdaı týdyrǵany jáne qujatsyz kólik júrgizgeni úshin salynatyn aıyppuldar da ósti. Olardyń kólemi 17 jarym myńnan 70 myń teńgege deıin barady.
