تىكەلەي ەفير ۇستىندە تۇكىرىپ، كوپشىلىكتىڭ اشۋىن تۋعىزعان دەپۋتات ەرلان سايروۆ زاڭناما نەگىزىندە ايىپپۇل تولەدى. ءوزىنىڭ ارەكەتىن “ادىلەتتى قوعام” قۇرۋدىڭ مىسالى رەتىندە كورسەتىپ، ەل قازانىنان اس ءىشىپ، حالىق قازىناسىنا قول سالعان وليگارحتار مەن الپاۋىتتاردى جازالاۋعا شاقىردى. بۇل تۋرالى “ادىرنا” ۇلتتىق پورتالى حابارلايدى.
“قۇرمەتتى دوستار!
ءبىز قۇقىقتىق مەملەكەتتە ءومىر سۇرەمىز.
ءاربىر ازامات ءوزىنىڭ ىستەگەنى ءۇشىن جاۋاپ بەرۋى قاجەت.
مەن كەشەگى "حابار" ارناسىنداعى "تۇكىرىك" ءۇشىن ايىپپۇل تولەدىم. زاڭ الدىندا بارلىق ازاماتتار تەڭ بولۋى كەرەك.بۇل اكسيوما!
سوندا عانا ادىلەتتى قوعام قۇرامىز!” - دەپ جازدى دەپۋتات.
سونىمەن قاتار، دەپۋتات ەل بايلىعى مەن جەر بايلىعىن سۇلىكشە سورىپ كەلە جاتقان ۇرى-قارىلاردىڭ اتتارىن اتاپ، تۇستەرىن تۇستەپ كورسەتۋ، جازالاۋ قاجەت ەكەندىگىن قاداپ ايتتى.
“باسقا دا ازاماتتار زاڭ الدىندا ءوز جاۋاپكەرشىلىتەرىن سەزىنۋى قاجەت.اسىرەسە، حالىقتىڭ يگىلىگىن جىمقىرىپ قويعان وليگارحتار مەن الپاۋىتتار.
ولاردىڭ جاۋاپكەرشىلىگىن ءبىز كوزدەرىنە "شوقشيتىپ" كورسەتۋىمىز قاجەت!
ءاربىر ادام وزگەرىستى وزىنەن باستاۋى ءتيىس. ارقايسىمىز وزگەرسەك، مەملەكەتتى وزگەرتەمىز!مەنى قولدانعان ازاماتتارعا كوپ راحمەت! مەنى سىنعا العان ازاماتتارعا دا ىرزاشىلىعىمدى بىلدىرەمىن!
ءبىز - بىرگەمىز!” - دەدى ەرلان سايروۆ.
