توقاەۆ ريم پاپاسىنا كوڭىل ايتۋ جەدەلحاتىن جولدادى

2611
Adyrna.kz Telegram
فوتو: njuz.net
فوتو: njuz.net

قاسىم-جومارت توقاەۆ ريم پاپاسى فرانتسيسككە كوڭىل ايتۋ جەدەلحاتىن جولدادى، دەپ حابارلايدى “ادىرنا” ۇلتتىق پورتالى.

پرەزيدەنت جەدەلحاتىندا ريم پاپاسى XVI بەنەديكتتىڭ ومىردەن وزعانى تۋرالى سۋىت حاباردى تەرەڭ كۇيزەلىسپەن قابىل العانىن جەتكىزدى.

“كاتوليك شىركەۋىنىڭ بۇرىنعى كوشباسشىسىن الەمگە تانىمال رۋحاني قايراتكەر، بەيبىتشىلىك پەن ءوزارا تۇسىنىستىكتى، گۋمانيزم يدەيالارىن ىلگەرىلەتۋ جولىندا قاجىرلى ەڭبەك سىڭىرگەن ۇلى تۇلعا دەپ بىلەمىز. ادامزات بالاسىنا امانات ەتىلگەن قۇندىلىقتاردى قورعاۋعا ايتارلىقتاي ۇلەس قوسقان اسا قاسيەتتى XVI بەنەديكتتىڭ جارقىن بەينەسى الەم جۇرتشىلىعىنىڭ جادىندا ماڭگى ساقتالادى. قارالى ساتتە قايعىلارىڭىزعا ورتاقتاسىپ، قازاقستان حالقىنىڭ جانە جەكە ءوزىمنىڭ اتىمنان كۇللى كاتوليك قاۋىمىنا كوڭىل ايتامىن”، – دەپ جازىلعان جەدەلحاتتا.

پىكىرلەر