جيىن بارىسىندا قسزي-ءدىڭ ديرەكتورى ەركىن تۇقىموۆتىڭ ينستيتۋتتىڭ 2022 جىلى اتقارعان جۇمىستارىنىڭ قورىتىندىسى مەن 2023 جىلعا ارنالعان جوسپارلارىنا قاتىستى بايانداماسى تىڭدالدى. سونىمەن قاتار قسزي ديرەكتورىنىڭ ورىنباسارلارى س.كوشكىمباەۆ، ا.جولدىبالينا، ب.ابەنوۆالار عىلىمي مەكەمەنىڭ قىزمەتىندەگى نەگىزگى ماسەلەلەر مەن ماقسات-مىندەتتەرى جايىندا ەسەپ بەردى.
مەملەكەتتىك كەڭەسشى ءوز سوزىندە قسزي مەملەكەتتىك ساياساتتىڭ ستراتەگيالىق باعىتتارىن ساراپتامالىق تۇرعىدان سۇيەمەلدەۋدە ماڭىزدى ميسسيا اتقارىپ كەلە جاتقانىن اتاپ ءوتتى.
"پرەزيدەنت جانىنداعى قازاقستاننىڭ ستراتەگيالىق زەرتتەۋلەر ينستيتۋتى جىلدى قورىتىندىلاپ، عىلىمي كەڭەس وتكىزدى. وندا ينستيتۋتتىڭ بيىل اتقارعان جۇمىسى سارالانىپ، كەلەر جىلدىڭ جوسپارى تالقىلاندى. عىلىمي مەكەمەنىڭ قورىتىندى جيىنىنا قاتىسىپ، ينستيتۋت قىزمەتىن جەتىلدىرۋگە قاتىستى ويىممەن ءبولىستىم", - دەپ جازدى قارين ءوزىنىڭ ينستاگرام پاراقشاسىندا .
ەرلان قارين قسزي ءوزىنىڭ كادرلىق الەۋەتىن الداعى ۋاقىتتا دا ارتتىرا بەرۋى، ايماقتاعى ساراپشىلار قاۋىمداستىعىمەن قارىم-قاتىناستى بەكىتە ءتۇسۋى، زەرتتەۋ تاسىلدەرىن جەتىلدىرۋى، ونىڭ ىشىندە الەۋمەتتىك زەرتتەۋلەردى كەڭەيتۋى قاجەت ەكەنىن ايتتى.
"ادىرنا" ۇلتتىق پورتالى
