Jıyn barysynda QSZI-diń dırektory Erkin Tuqymovtyń ınstıtýttyń 2022 jyly atqarǵan jumystarynyń qorytyndysy men 2023 jylǵa arnalǵan josparlaryna qatysty baıandamasy tyńdaldy. Sonymen qatar QSZI dırektorynyń orynbasarlary S.Kóshkimbaev, A.Joldybalına, B.Ábenovalar ǵylymı mekemeniń qyzmetindegi negizgi máseleler men maqsat-mindetteri jaıynda esep berdi.
Memlekettik keńesshi óz sózinde QSZI memlekettik saıasattyń strategııalyq baǵyttaryn saraptamalyq turǵydan súıemeldeýde mańyzdy mıssııa atqaryp kele jatqanyn atap ótti.
"Prezıdent janyndaǵy Qazaqstannyń strategııalyq zertteýler ınstıtýty jyldy qorytyndylap, Ǵylymı Keńes ótkizdi. Onda ınstıtýttyń bıyl atqarǵan jumysy saralanyp, keler jyldyń jospary talqylandy. Ǵylymı mekemeniń qorytyndy jıynyna qatysyp, ınstıtýt qyzmetin jetildirýge qatysty oıymmen bólistim", - dep jazdy Qarın óziniń ınstagram paraqshasynda .
Erlan Qarın QSZI óziniń kadrlyq áleýetin aldaǵy ýaqytta da arttyra berýi, aımaqtaǵy sarapshylar qaýymdastyǵymen qarym-qatynasty bekite túsýi, zertteý tásilderin jetildirýi, onyń ishinde áleýmettik zertteýlerdi keńeıtýi qajet ekenin aıtty.
"Adyrna" ulttyq portaly
