ءماجىلىس وتىرىسىندا دەپۋتات بەرىك دۇيسەنبينوۆ اۋىل شارۋاشىلىعى ءمينيسترى ەربول قاراشوكەەۆتىڭ مەملەكەت مەنشىگىنە قايتارىلعان جەرلەر تۋرالى بايانداماسى ەش شىندىققا جاناسپايتىنىن ايتىپ، ونى قاتاڭ سىڭعا الدى. بۇل تۋرالى "ادىرنا" ۇلتتىق پورتالى جازادى.
ءماجىلىس دەپۋتاتى مينيستردەن ادەمى باياندامانىڭ ورنىنا مىڭداعان گەكتار جەرگە يەلىك ەتەتىن اكىم-قارالاردىڭ اتى-ءجونىن حالىققا جاريا ەتۋدى سۇرادى.
"قاي وبلىسقا بارماساڭىز جولدىڭ وڭ جاعى دا، سول جاعى دا اكىمنىڭ جەرى. قايتىپ جاتقان جەر جوق. مال ۇستاپ وتىرعان، ەگىن ەگىپ وتىرعان كىسىلەر جەرگە ءزارۋ بولىپ وتىر. بىراق قولى كۇشتىلەر سول بۇرىنعى قالپىندا قالىپ وتىر. جەردىڭ يەلەرىن سىزدەرگە مىندا شىعارىپ، تاقتاعا جازىپ قويۋعا كىم كەدەرگى؟ وسكەمەنگە بارساڭىز جەردىڭ ءبارى دانيال احمەتوۆتىكى، پاۆلودارعا بارساڭىز باقاۋوۆتىكى، استانانىڭ ماڭايىندا شوكەەۆتىكى، ونى ايتۋعا قورقىپ وتىر ءبارى. جاڭاعى ءسىزدىڭ بايانداماڭىزدا ايتىلعان مىڭداعان گەكتاردىڭ ءبارى وتىرىك. انا حالىقتىڭ ءبارى نارازى بولىپ وتىر. مال ۇستاعان كىسىلەرگە جەر جەتپەي جاتىر. سىزدەر ادەمى باياندامانىڭ ورنىنا وسىنى قاشان ناقتى قولعا الاسىزدار؟ اتى-ءجونىن جازىڭىزدار، نەگە ۇيالاسىزدار ولاردان، تاقتاعا ءىلىپ قويۋدان؟ بۇرىنعى وتىرعان بايلار سولار وتىر", – دەيدى دەپۋتات بەرىك دۇيسەنبينوۆ.
"ادىرنا" ۇلتتىق پورتالى
