Májilis otyrysynda depýtat Berik Dúısenbınov Aýyl sharýashylyǵy mınıstri Erbol Qarashókeevtiń memleket menshigine qaıtarylǵan jerler týraly baıandamasy esh shyndyqqa janaspaıtynyn aıtyp, ony qatań syńǵa aldy. Bul týraly "Adyrna" ulttyq portaly jazady.
Májilis depýtaty mınıstrden ádemi baıandamanyń ornyna myńdaǵan gektar jerge ıelik etetin ákim-qaralardyń aty-jónin halyqqa jarııa etýdi surady.
"Qaı oblysqa barmasańyz joldyń oń jaǵy da, sol jaǵy da ákimniń jeri. Qaıtyp jatqan jer joq. Mal ustap otyrǵan, egin egip otyrǵan kisiler jerge zárý bolyp otyr. Biraq qoly kúshtiler sol burynǵy qalpynda qalyp otyr. Jerdiń ıelerin sizderge mynda shyǵaryp, taqtaǵa jazyp qoıýǵa kim kedergi? Óskemenge barsańyz jerdiń bári Danıal Ahmetovtiki, Pavlodarǵa barsańyz Baqaýovtyki, Astananyń mańaıynda Shókeevtiki, ony aıtýǵa qorqyp otyr bári. Jańaǵy sizdiń baıandamańyzda aıtylǵan myńdaǵan gektardyń bári ótirik. Ana halyqtyń bári narazy bolyp otyr. Mal ustaǵan kisilerge jer jetpeı jatyr. Sizder ádemi baıandamanyń ornyna osyny qashan naqty qolǵa alasyzdar? Aty-jónin jazyńyzdar, nege uıalasyzdar olardan, taqtaǵa ilip qoıýdan? Burynǵy otyrǵan baılar solar otyr", – deıdi depýtat Berik Dúısenbınov.
"Adyrna" ulttyq portaly
