مەملەكەت باسشىسى شاحماتتان الەم چەمپيوناتىندا تابىستى ونەر كورسەتكەن دينارا سادۋاقاسوۆانى قۇتتىقتادى. بۇل تۋرالى اقوردانىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
پرەزيدەنت قاسىم-جومارت توقاەۆ الماتىدا ءوتىپ جاتقان شاحماتتان الەم چەمپيوناتىندا راپيد بويىنشا كۇمىس مەدال يەلەنگەن دينارا سادۋاقاسوۆانى قۇتتىقتادى.
مەملەكەت باسشىسى قازاقستان شاحماتشىلارىنىڭ الەم چەمپيوناتىنداعى جەتىستىكتەرى ەلىمىز ءۇشىن ۇلكەن ماقتانىش ەكەنىن اتاپ ءوتتى. ونىڭ ايتۋىنشا، سپورتشىلارىمىزدىڭ حالىقارالىق تۋرنيرلەردەگى ءاربىر جەڭىسى وسى سپورت تۇرىمەن اينالىساتىن جاستاردى قاناتتاندىرادى جانە بۇل قازاقستان شاحمات مەكتەبىنىڭ دەڭگەيى جوعارى ەكەنىن كورسەتەدى.
پرەزيدەنت دارىندى شاحماتشىعا تالماي ەڭبەك ەتىپ، جەڭىستەن جەڭىسكە جەتە بەرۋىنە تىلەكتەستىك ءبىلدىردى.
سونىمەن قاتار مەملەكەت باسشىسى الماتىدا ءوتىپ جاتقان وسى الەمدىك سايىستا جوعارى ناتيجە كورسەتكەن جانسايا ابدىمالىككە دە ىزگى تىلەگىن جولدادى.
"ادىرنا" ۇلتتىق پورتالى
