قاراعاندى وبلىسىندا 19 ۆاگون رەلستەن شىعىپ كەتتى

2405
Adyrna.kz Telegram

قاراعاندى-اقادىر ۋچاسكەسىنىڭ قاراباس ستانتسياسىندا جۇك پويىزىنىڭ 19 ۆاگونى رەلستەن شىعىپ كەتتى. بۇل تۋرالى «قازاقستان تەمىر جولى» ۇك» اق ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى. 

بۇگىن، 28 جەلتوقساندا ساعات 7:45-تە قاراعاندى-اقادىر ۋچاسكەسىنىڭ قاراباس ستانتسياسىندا جۇك پويىزىنىڭ 19 ۆاگونى رەلستەن شىعىپ كەتتى. زارداپ شەككەندەر جوق.

الدىن الا مالىمەتتەر بويىنشا، ۆاگونداردىڭ جولدان شىعىپ كەتۋى جەكە مەنشىك يەسىنە تيەسىلى ءبىرىنشى استىق تاسىمالداۋشى دوڭعالاق جۇبىنىڭ كەپتەلىسىنە بايلانىستى بولدى. جاعدايدى تەكسەرۋ ءۇشىن «قتج» ۇك» اق-دا ارنايى كوميسسيا قۇرىلدى.

وسى ۋچاسكەدەگى پويىزدار قوزعالىسى كورشى جولمەن ۇيىمداستىرىلعان. قاراعاندى، قۇلايعىر ستانتسيالارى بويىنشا ەكى جولاۋشىلار پويىزى كىدىرىلدى. ۆاگونداردىڭ جولدان شىعۋى سالدارىن جويۋ ءۇشىن قاراعاندى، جاڭارقا، استانا ستانتسيالارىنىڭ ءۇش قالپىنا كەلتىرۋ پويىزى تارتىلدى.

"ادىرنا" ۇلتتىق پورتالى

پىكىرلەر