Qaraǵandy-Aqadyr ýchaskesiniń Qarabas stanııasynda júk poıyzynyń 19 vagony relsten shyǵyp ketti. Bul týraly «Qazaqstan temir joly» UK» AQ baspasóz qyzmeti habarlady, dep jazady "Adyrna" ulttyq portaly.
Búgin, 28 jeltoqsanda saǵat 7:45-te Qaraǵandy-Aqadyr ýchaskesiniń Qarabas stanııasynda júk poıyzynyń 19 vagony relsten shyǵyp ketti. Zardap shekkender joq.
Aldyn ala málimetter boıynsha, vagondardyń joldan shyǵyp ketýi jeke menshik ıesine tıesili birinshi astyq tasymaldaýshy dońǵalaq jubynyń keptelisine baılanysty boldy. Jaǵdaıdy tekserý úshin «QTJ» UK» AQ-da arnaıy komıssııa quryldy.
Osy ýchaskedegi poıyzdar qozǵalysy kórshi jolmen uıymdastyrylǵan. Qaraǵandy, Qulaıǵyr stanııalary boıynsha eki jolaýshylar poıyzy kidirildi. Vagondardyń joldan shyǵýy saldaryn joıý úshin Qaraǵandy, JańArqa, Astana stanııalarynyń úsh qalpyna keltirý poıyzy tartyldy.
"Adyrna" ulttyq portaly
