سىرتقى ىستەر ءمينيسترى مۇحتار تىلەۋبەردى قازاقستاننىڭ رەسەيگە قارسى سانكتسيالارعا قوسىلمايتىنىن مالىمدەدى. ول بۇل تۋرالى جاپوندىق NHK تەلەارناسىنا سۇحبات بەردى، دەپ حابارلايدى “ادىرنا” ۇلتتىق پورتالى.
ء"بىز رەسەيگە قارسى سانكتسيالارعا قوسىلمايمىز، بىراق سونىمەن بىرگە رەسپۋبليكا ەكونوميكاسىن ءارتۇرلى كاسىپورىندار شەكتەۋ شارالارىن اينالىپ ءوتۋ ءۇشىن پايدالانبايدى دەگەن قاعيدانى ۇستانامىز", – دەدى ول.
ونىڭ ايتۋىنشا، رەسەي مەن قازاقستاندى تىعىز ەكونوميكالىق قاتىناستار بايلانىستىرادى. ول رەسەيگە قارسى سانكتسيالار قازاقستان ەكونوميكاسىنا دا كەرى اسەرىن تيگىزەدى دەپ ءتۇسىندىردى.
سونىمەن قاتار، ول قازاقستان ماسكەۋمەن دە، كيەۆپەن دە دوستىق قارىم-قاتىناستا ەكەنىن ەسكە سالدى.
"رەسەي مەن ۋكراينا – قازاقستاننىڭ سوناۋ تاريحتان بەرى دوستارى. پرەزيدەنت توقاەۆ ەكى ەلدىڭ كوشباسشىلارىمەن ۇنەمى بايلانىستا بولىپ، ولاردىڭ ءوزارا بەيبىتشىلىككە كەلۋىنە شاقىرادى", – دەپ اتاپ ءوتتى مينيستر.
