Syrtqy ister mınıstri Muhtar Tileýberdi Qazaqstannyń Reseıge qarsy sankııalarǵa qosylmaıtynyn málimdedi. Ol bul týraly japondyq NHK telearnasyna suhbat berdi, dep habarlaıdy “Adyrna” ulttyq portaly.
"Biz Reseıge qarsy sankııalarǵa qosylmaımyz, biraq sonymen birge respýblıka ekonomıkasyn ártúrli kásiporyndar shekteý sharalaryn aınalyp ótý úshin paıdalanbaıdy degen qaǵıdany ustanamyz", – dedi ol.
Onyń aıtýynsha, Reseı men Qazaqstandy tyǵyz ekonomıkalyq qatynastar baılanystyrady. Ol Reseıge qarsy sankııalar Qazaqstan ekonomıkasyna da keri áserin tıgizedi dep túsindirdi.
Sonymen qatar, ol Qazaqstan Máskeýmen de, Kıevpen de dostyq qarym-qatynasta ekenin eske saldy.
"Reseı men Ýkraına – Qazaqstannyń sonaý tarıhtan beri dostary. Prezıdent Toqaev eki eldiń kóshbasshylarymen únemi baılanysta bolyp, olardyń ózara beıbitshilikke kelýine shaqyrady", – dep atap ótti mınıstr.
