Ózbekstan Konstıtýııasyna ózgerister men túzetýler eńgizý boıynsha jalpyhalyqtyq referendým ótkizbek. Daýys berý 2023 jyldyń kóktemine josparlanýda, dep habarlaıdy “Adyrna” ulttyq portaly.
«Ozodlık» radıosy 21 jeltoqsanda úkimettegi derekkózderge silteme jasap, daýys berý Naýryzdan keıin ótetinin habarlaǵan edi.
Sondaı-aq, daýys berýge Eýropalyq Odaq, Ulybrıtanııa jáne AQSh baqylaýshylary shaqyrylǵanyn málimdedi.
Eń kórnekti túzetý – prezıdenttik ókilettik merzimin bes jyldan jeti jylǵa deıin uzartý. Eger jańa Konstıtýııa qabyldanatyn bolsa, qazirgi memleket basshysy Shavkat Mırzııaevtiń osyǵan deıin saılaýǵa túsken kezeńderi joıylady. Onyń qaıta prezıdent saılaýyna túsýine múmkindik týady.
Referendým osy jyldyń sońynda ótedi dep kútilgen edi. Biraq shilde aıynyń basynda Qaraqalpaqstan Respýblıkasyndaǵy tolqýlar saldarynan bul jospar júzege aspady.
Ózbekstan ortalyq saılaý komıssııasy ázirge referendým ótkizetin kúndi belgilegen joq.
